iOS uchun yanada tezkor Telegram X taqdim etildi
Telegram kompaniyasi iOS operatsion tizimida ishlovchi qurilmalar uchun o‘z messenjerining muqobil ilovasi – Telegram X dasturini taqdim etdi. App Store ilovalar katalogida u iPad uchun mo‘ljallangan Telegram HD kliyentining o‘rniga joylandi.
Telegram X ilovasida bir qator yangi funksiyalar paydo bo‘lgan. Jumladan, unda interfeysning klassik ko‘rinishidan tashqari, yana uchta mavzu mavjud: tungi, tungi-moviy hamda kunduzgi. Shuningdek, shrift o‘lchamini almashtirish hamda ensiz tasvirlar bilan ishlashni sozlash kabi imkoniyatlar ham taqdim etilgan.
Mazkur ilova butunicha Swift dasturlash tilida yozilgan. U odatiy kliyentga nisbatan tezkorroq, animatsiyali stikerlarga ega hamda batareya quvvatini tejaydi.
O‘QING: Dasturlashni mobil qurilmalarda o‘rgatuvchi 11 ilova + bonus!
Ayni damda App Store do‘konida Telegram ikkita – oddiy va yangicha talqindagi versiyalarda alohida-alohida joylangan. Apple gadjetlari sohiblari Telegram X ilovasida mana bu havola orqali yuklab olishlari mumkin.
