iPhone 12: «jonli» suratlar Apple fanatlarining hafsalasini pir qildi!
Apple korporatsiyasi iPhone 12 turkumidagi smartfonlarini qachon taqdim etishi allaqachon aytilgan. Lekin bu ayfonni kutayotganlar unchalik quvonishmasa ham bo‘lar ekan...
O‘QING: Insayder quloqchinsiz va quvvatlagichsiz iPhone 12 qadog‘ini videoda ko‘rsatdi
Xitoyliklar yangi ayfon ekranining «jonli» rasmini e’lon qilishdi; u iPhone 12 qismlarini ishlab chiqaruvchi zavodda tushirilgan. Ekranda birinchi bo‘lib ko‘zga tashlanadigani – old kamera tizimi uchun displeyda ulkan kemtik mavjudligidir.
Apple haliyam uch yil avvalgi iPhone X dizaynini qo‘llab kelayotgani tushunarsiz. Boshqa smartfonsozlar esa allaqachon ekrndagi kemtikni tomchisimon ko‘rinishgacha qisqartirgan, ko‘pchiligi kemtik o‘rniga tirqishli displey qo‘llayapti. Hattoki ayrimlar ekranning tagida ko‘rinmas selfi-kamera tayyorlab ulgurishgan!
O‘tgan haftada SafetyKorea regulyatori ma’lumotlari asosida iPhone 12 Pro modelining «jonli» rasmlari e’lon qilingan edi.
Unga ko‘ra, mazkur flagman batareyasi 2775 mA/soatlik tok sig‘imiga ega. Holbuki, boshqa smartfonsozlar allqachon ancha sig‘imdor akkumulyatorlar qo‘llashga o‘tib ketishgan.
O‘QING: Atigi 130 dollarga batareyasi naq 8000 mA/soatlik, «o‘ldirib bo‘lmas» smartfon chiqdi! (+video)