iPhone 13 turkumidagi barcha to‘rtta smartfonning akkumulyator tok sig‘imi ma’lum bo‘ldi
Apple’ning o‘n uchinchi avlod smartfonlari haqida ko‘plab ma’lumotlar tarqalgan. Xitoylik ishonchli insayderlardan biri – Digital Chat Station esa ularning batareyalari tok sig‘imi o‘tgan yilgi ayfonlarnikidan kattaroq bo‘lishini aytmoqda.
O‘QING: iPhone 13 turkumidagi to‘rtta smartfon: ayrim xususiyat va suratlari
Unga ko‘ra, bu yil kuzda taqdim etiladigan ayfonlarning akkumulyatorlari quyidagicha sig‘imdorlikka ega va har birida bu ko‘rsatkich oldingi avlod vakilidan ma’lum foizga yuqori:
- iPhone 13 Pro Max – 4352 mA/soatlik (iPhone 12 Pro Max modelinikidan 18% ga katta);
- iPhone 13 hamda iPhone 13 Pro – 3095 mA/soatlik (iPhone 12 hamda iPhone 12 Pro modellarinikidan 9,9% ga katta);
- iPhone 13 mini – 2406 mA/soatlik (iPhone 12 mini modelinikidan 8% ga katta).
Shu tariqa, 2021 yili chiqadigan o‘n uchinchi avlod ayfonlarning barchasida akkumulyator sig‘imi o‘z «ajdod»idagidan yuqori, lekin Pro Max versiyasida bu farq yaqqol katta.