Koronavirus hattoki Mortal Kombat’ga ham yetib keldi! (video)
Garchi insoniyat hozir koronavirus pandemiyasidan aziyat chekayotgan bo‘lsa-da, bu mavzuda hazil qilayotgan, mem va kulgili lavhalar tayyorlayotganlar bor. Rassom-animator Aleksey Yurevich esa bu masalaga yangicha yondashgan.
O‘QING: Jahon sog‘liqni saqlash tashkiloti: «Koronavirusdan saqlanish uchun kiber-o‘yinlar o‘ynang!»
Yurevich ozroq fantaziyasiga erk berib, Mortal Kombat klassik o‘yinidagi harakatlar koronavirus pandemiyasi davrida qanday kechishi mumkinligini tasavvur qilgan. Buni kompyuterda jonlantirib, “Mortal Kovid-19” geympleyini internetga chiqargan.
Olishuv paytida Lyu Kan yo‘talib yuborsa, hamma qo‘rqib ketadi. Boshqa jangchilar u bilan birga metroda yurishdan qochishadi, Shao Kan esa raqibining ustidan Skype orqali kuladi.
Oxir-oqibatda karantin sababli turnir umuman bekor qilinadi. Kasallik manbasidan qutulish uchun Lyu Kanga tashlanishadi. Lekin baribir Shao Kanda ham xastalanish alomatlari seziladi.
O‘QING: «Pole Chudes» boshlovchisi Mortal Kombat’da: ikkita kulgigi video