Kuchli akkumulyatorga ega Xiaomi Redmi 3 ixcham smartfoni
Xiaomi kompaniyasi akkumulyator quvvati 4100 mAs bo‘lgan yangi smartfon Redmi 3`ni rasman taqdim etdi. Mazkur ixcham smartfon Xitoy bozorlarida 699 yuan (107 dollarga yaqin) narxida sotilmoqda.
Kichik, lekin flagmen.
Smartfon 5-dyuym, o‘lchami 720×1280 nuqta bo‘lgan ekranga ega va Snapdragon 616 platformasi asosida qurilgan. Redmi 3 sakkiz yadroli protsessor (to‘rt yadrolisi 1,7 GGs chastotali) bilan ta’minlangan. Adreno 405 GPU grafika. 2 GB operativ xotira, ichki “to‘plovchi” kartaning hajmi 16 GB.
Redmi 3`ning asosiy kamerasi ko‘rsatkichi – 13 Mp va unda fazali avtofokus (yorg‘ulikni avtomatik tarzda sozlash) mavjud. Bu jarayonning tezligi 0,1 soniyaga teng. Frontal (old) kamera ko‘rsatkichi 5 Mp va selfi uchun juda yaxshi. U videomuloqot chog‘ida ham yomon emasligini aytishmoqda. O‘zingiz baho berishingiz mumkin.
Smartfonda ikkita SIM-karta uchun joy mavjud. Xotira kartasi hajmini 128 GBga qadar oshirish imkoniyati bor. Shuningdek, unda tez quvvatlash va ishlashni optimallashtirish texnologiyasi ham mavjud. Qurilmaning qalinligi 8,5 mm va u metall korpusi bilan 144 gramm tosh bosadi.