Kutilmagan flagman: global bozorga allaqachon Redmi K30S Ultra ham chiqdi!
Xiaomi korporatsiyasining arzonchi brendi 27 oktyabr kuni Redmi K30S flagmanini rasman namoyish qilgan. Mazkur model Qualcomm kompaniyasining eng kuchli protsessorlaridan biri – Snapdragon 865 bazasidagi eng arzon smartfon ekanligi bilan alohida ahamiyatga ega.
O‘QING: Redmi’ning yangi flagmani bu jihatiga ko‘ra iPhone 11’dan ham zo‘r chiqdi!
Bilamizki, Redmi K30S butkul yangi smartfon bo‘lmasdan, avvalroq Yevropa bozoriga taqdim etgan flagman – Xiaomi Mi 10T modelining rebrending qilingan va nusxasidir. Ya’ni, u aynan Xitoy bozoriga mo‘ljallangan, lekin Redmi endi uni dunyo bozoriga ham chiqarayotgani ma’lum bo‘ldi.
Flagman global bozorga boshqacharoq – Xiaomi Redmi K30S Ultra yoki Redmi K30S Ultra nomi ostida chiqyapti. Giztop onlayn do‘koni allaqachon uni sotuvga chiqarib ulgurgan:
Nomidan tashqari, jahon bozoriga chiqarilayotgan versiyaning narxi ham o‘zgargan. Ya’ni, Xiaomi Redmi K30S Ultra flagmanining 8/128 gigabaytligi 459 dollarga, 8/256 gigabaytligi esa 499 dollarga baholangan. Taqqoslash uchun: Xitoyda sotilayotgan Redmi K30S versiyasining ayni shunday tezkor/ichki xotirali variantlari uchun tegishlicha 340 va 370 dollarga teng narx belgilangan.
O‘QING: Xitoyliklarning o‘zlari eng ko‘p qaysi smartfonlarni olishyapti?
