Microsoft kishilarni yangi Windows’ga o‘tishga majburlashning antiqa yo‘lini topdi
Ko‘pchiligimiz o‘z kompyuter va noutbuklarimizda Windows operatsion tizimini ishlatamiz. Ammo aksariyat foydalanuvchilarning eski talqindagi tizimda qolayotgani Microsoft korporatsiyasiga yoqmayapti.
O‘QING: Windows 7 hamda Windows XP’da jiddiy xavf bor – tezda yangilab oling!
Kompaniya eski versiyalardagi kompyuterlar egalarini yangi – Windows 10 tizimiga o‘tkazishga imkon qadar harakat qilyapti. Microsoft bu yo‘lda hatto o‘zgacha yo‘l tutishdan ham tap tortmayapti – u Windows 7 va undan avvalgi talqinlarda ayrim loyihalarni to‘xtatyapti.
Microsoft rasmiy saytida ma’lum qilishicha, eski versiyalardagi operatsion tizimlarda yaqinda quyidagi loyihalar ishlamay qoladi:
- Internet-narda (Internet Backgammon)
- Internet-shashka (Internet Checkers)
- Internet-qarg‘a (Internet Spades)
- Internet-yurak (Internet Hearts)
- Internet-reversi (Internet Reversi)
- MSN Go
Ushbu ilovalarning to‘xtatilish muddati kompyuterga o‘rnatilgan Windows versiyasiga bog‘liq. Windows XP hamda Windows ME talqinlaridagi qurilmalarda bu dasturlar shu yilning 31 iyulidanoq ishlamay qoladi. Windows 7 foydalanuvchilari uchun esa biroz muhlat berilgan – ular ushbu dasturlar bilan 2020 yilning 22 yanvarida xayrlashishadi. Shu munosabat bilan, mazkur ilovalardan foydalanishni istaganlar operatsion tizimning yangi talqiniga o‘tishlari tavsiya etilmoqda.
O‘QING: Windows 10’ga qarshi Windows 7: qay biri xavfsizroq?