Mutaxassislar eng yaxshi va eng yomon iPhone modellarini aniqlashdi
Apple kompaniyasi iPhone nomi
ostida o‘zining bir qator smartfonlarini taqdim etib kelmoqda, ularning har biri
ham o‘z davrida yetakchilardan bo‘lib, o‘ziga yarasha nom qozongan. Biroq muayyan modellarning
ishlab chiqaruvchiga keltirgan daromadi hamda bu bilan kompaniya aksiyalarining o‘sishiga
qarab, ekspertlar iPhone’larning eng yaxshi va eng yomon modellarini aniqlashdi. Bu
xususda «Ekonomika segodnya» nashri xabar bermoqda.
Wall Street investorlari har bir yangi iPhone modelining chiqarilishi
bilan Apple kompaniyasining aksiyalari naxlari oshishini tahlil qilishdi. Shu tariqa,
«Olma»ning eng muvaffaqiyatli hamda aksincha – eng muvaffaqiyatsiz chiqqan telefonlarini
ma’lum qilishdi.
Tadqiqotlar natijasida aniqlanishicha, iqtisodiyot ko‘zi bilan qaraganda iPhone’larning
eng yaxshisi – uning 2007 yili chiqqan birinchi modeli ekan. Axir, u savdoga chiqarilganidan keyingi 12 oy ichida Apple’ning
aksiyalari narxi ikki baravardan ham ziyod – naq 119 foizga oshgan!
Iqtisodiy samaradorligi bo‘yicha ikkinchi o‘rinda turuvchi model esa undan
to‘rt yil keyin chiqqan iPhone 4s ekan. Uning sotuvga chiqarilishi arafasidagi 6
oyda Apple aksiyalari 28 foizga oshgan. Smartfon sotila boshlaganidan keyingi olti
oy mobaynida esa bu ko‘rsatkich 36 foizligicha turgan.
Mutaxassislarning fikricha, kompaniyaning o‘zi uchun eng muvaffaqiyatsiz chiqqan
smartfon modeli – 2012 yilgi iPhone 5 ekan. Axir, u bozorga taqdim etilganidan keyingi
bir yil ichida Apple’ning aksiyalari 36 foizga arzonlab ketgan-da!