Nokia diagonali 75 dyuymgacha bo‘lgan yettita modelda Smart TV taqdim etdi

DiMaX
529
27.11.2020 14:03

Ko‘proq smartfonlari bilan tanilgan Nokia brendi ostida televizorlar ham chiqarilayotganidan xabaringiz bor. Lekin ularni telefonsoz HMD Global emas, balki Flipkart kompaniyasi ishlab chiqaradi.

O‘QING: Nokia ikkita afsonaviy telefonini 4G-versiyada taqdim etdi (+videolar)

Yevropada ushbu brendning biryo‘la yettita rusumdagi, ekrani diagonaliga 32 dan to 75 dyuymgacha bo‘lgan, Smart TV funksiyali televizorlari taqdim etildi. Ularning o‘ziga xosliklari – chet ustqurmalarsiz Android TV versiyasi, hajmli ovoz yangratish texnologiyasini qo‘llab-quvvatlashi, ichdan yoritiluvchi boshqaruv pulti hamda keng ko‘lamdagi interfeyslardir.

Yangi chiqqan Nokia Smart TV’larning barchasi to‘rt yadroli ARM CA55 protsessori bazasiga qurilgan va Mali 470 MP3 grafik tezlatgichi qo‘llangan. Televizorlarning tezkor xotiralari 1,5 GB, ichki xotiralari esa 8 GB hajmga ega; faqat 32 dyuymlik versiyada 1 gigabaytlik «operativka» qo‘llangan. Ularning barchasi Android TV 9.0 operatsion tizim talqinida ishlaydi.

O‘QING: 4K-televizorlar savdosida yuksalish: bozorning yarmini ikkitagina kompaniya band etdi!

Ushbu modellar tizimining yana bir o‘ziga xosligi – boshqaruv pultida ichdan yoritish qo‘llanganidir.

Nokia Smart TV’lar simsiz aloqa modullaridan Wi-Fi 802.11ac hamda Bluetooth 4.2 bilan ta’minlangan. Ularning korpuslarida to‘rttadan HDMI porti (bittasi ARC’ni qo‘llab-quvvatlaydi), ikkitadan USB 2.0 Type-A hamda bittadan Ethernet portlari mavjud. Televizorlarning akustikasi uchun moщnostyu quvvati 12 Vt (32"), 20 Vt (43", 50", 55", 58") va 24 Vt (65", 75") bo‘lgan dinamiklar mas’ul bo‘lib, barchasi Dolby Digital Plus hamda DTS Sound texnologiyalariga ega.