Nokia shuhratini Zeiss optikasi yordamida qaytarishmoqchi
Yaxshi eslaymiz – Nokia
uyali telefonlar bozorida yetakchi bo‘lganidek, mobil fotografiya sohasida ham o‘ziga yarasha obro‘ga ega edi. Bunda esa Carl
Zeiss optikasidan foydalanganligi ham muhim ahamiyatga ega
bo‘lgan. Masalan,
N95 yoki Lumia 1020 modellarini ishlatib ko‘rganlar
buni yaxshi bilishadi.
Endi esa, ishlab chiqaruvchi yana Nokia brendining o‘sha davrdagi shuhratini qaytarmoqchi,
deb yozadi Hi-Tech
Mail.Ru. Gap shundaki, hozirda Nokia brendi ostidagi qurilmalarni ishlab
chiqarayotgan HMD kompaniyasi Zeiss’ning sifatli tasvirga olish texnologiyasini smartfonlarga
qaytarish bo‘yicha bitim imzoladi.
Bu yerda hamkorlik faqat ob’yektivlar bilan cheklanib qolmaydi. Kompaniyalar «vizualizatsiyaning standartlashtirilgan
imkoniyatlari» ustida hamkorlikda ishlashni rejalashtirishmoqda. Bu esa tasvirlar
bilan bog‘liq barcha jihatlarni qamrab oladi – dasturiy ta’minotdan tortib smartfonlar
ekranining sifatigacha.
Zeiss optikasi bilan jihozlangan ilk Nokia smartfoni qachon taqdim
etilishini hozircha ikkala kompaniya ham oshkor etmayapti. Biroq HMD endilikda Nokia
nomini tiklashda mahsulotlarning sifatli kamerasiga ko‘proq tayanmoqchi ekanligi
ma’lum.