Noodatiy dizayndagi Galaxy smartfoni taqdim etiladi
Eski dizayndagi yangi Galaxy XCover 6 Pro modeli 5G tarmog‘i va yana bir qancha zamonaviy funksiyasilarga ega bo‘ladi. Qurilma 120 gerts chastotada ishlovchi FullHD+ rezolyutsiyadagi 6.6 dyuymli LCD displeyi bilan jihozlanadi.
Displeyning barmoqni sezish darajasi oshgan bo‘lib, uni nam qo‘l yoki qo‘lqopda oson boshqarish mumkin. Shuningdek, displeyni eng so‘nggi turdagi Gorilla Glass Victus+ shishasi himoyalab turadi.
XCover 6 Pro modeli IP68 suv va changdan himoya va MIL-810H ekstrimal holatlarda ham ishlash standartiga ega. Qurilmaning o‘lchamlari 168.8x79.9x9.9 mm, og‘irligi esa 235 grammni tashkil qiladi.
Smartfon 5G va Wi-Fi 6E tarmoqlarini qo‘llab-quvvatlaydi. U Snapdragon 778G chipi bilan jihozlanadi hamda 6GB tezkor va 128GB microSD kartasi bilan kengaytirish mumkin bo‘lgan doimiy xotiraga ega bo‘ladi.
Orqa tomonda smartfondan ajratsa bo‘ladigam 4,050 mAs sig‘imli akkumulyator bo‘lib, u 15 vattda quvvat oladi. Quvvlash adapteri smartfon qutisida bo‘lmaydi, kompaniya faqat USB-C kabelini jo‘natadi xolos. XCover 6 Pro'ning maxsus xususiyatlari haqida gapiradigan bo‘lsak, dasturlashtiriladigan bosish-gapirish tugmasi ham mavjud.
Smartfonga 50MP asosiy, 8MP ultrakeng va 13MP selfi kameralar o‘rnatiladi. Dasturiy ta’minot jihatidan qurilma Android 12 operatsion tizimiga asoslangan One UI 4 grafik qobig‘ida ishlaydi. Gadjetda dinamiklarni balandlatish va Samsung DeX funksiyasilari mavjud.
Afsuski, Samsung smartfonning narxi haqida hech qanday ma’lumot bermadi. U iyul oyida Yevropa va Osiyo davlatlarida sotuvga chiqadi. Taxminlarga ko‘ra, qurilmaning narxi 600 yevrolar atrofida bo‘ladi. Kompaniya smartfonni 13 iyul sanasida Galaxy Tab Active4 Pro plansheti bilan birga taqdim etadi.