Nothing Phone 1 va Samsung Galaxy A73 texnik xususiyatlarini solishtiramiz
Bir necha kun oldin Nothing kompaniyasi o'zining ilk smartfoni, phone (1) ni taqdim qildi. Ushbu Android telefonning boshlang'ich narxi 475 dollar bo'lib, u Snapdragon o'rta darajali smartfonlar oilasiga mansub. Biroq, londonlik kompaniya bu bozorda yagona o'yinchi emas. Janubiy Koreyaning Samsung kompaniyasi anchadan beri bu yo'nalishda yetakchilik qilib keladi va u ham joriy yilning mart oyida o'zining Galaxy A33, A53 va A73 smartfonlarini chiqargan edi. Ular orasida Galaxy A73 esa smartfoni Phone 1 uchun jiddiy raqobatchi bo'lishi mumkin. Xo'sh, ularning qaysi biri yaxshi? Quyida ikki smartfonning texnik xususiyatlari bilan tanishamiz.
| Nothing Phone 1 | Samsung Galaxy A73 | |
| Ekran | 6.55 dyuym, OLED, 120Hz | 6.7 dyuym, Super AMOLED Plus, 120Hz |
| Tanasi |
159.2 x 75.8 x 8.3 mm, 193.5 g shisha orqa panel va alyuminiy ramka |
163.7 x 76.1 x 7.6 mm, 181 g plastik orqa panel va ramka |
| Suv, changdan himoya | IP53 | IP67 |
| OS | Nothing OS (Android 12) | One UI 4.1 (Android 12) |
| Chipset | Snapdragon 778G+ | Snapdragon 778G |
| Operativ xotira | 8/12GB | 6/8GB |
| Doimiy xotira | 128/256GB | 128/256GB |
| Batareya | 4,500 mAh | 5,000 mAh |
| Zaryadlanish tezligi | 33W simli, 15W simsiz | 25W simli |
| Orqa kamera | 50 MP (f/1.9), PDAF, OIS 50 MP (f/2.2) ultrakeng |
108 MP (f/1.8) PDAF, OIS 12 MP (f/2.2) ultrakeng 5 MP (f/2.4) makro 5 MP (f/2.4) chuqurlik kamerasi |
| Videoga olish (orqa kamera) |
4K - 30fps bilan |
4K - 30fps bilan 1080p - 30/60fps bilan gyro-EIS |
| Old kamera | 16 MP (f/2.5) | 32 MP (f/2.2) |
| Videoga olishi (old kamera) | 1080p - 30fps bilan | 4K - 30fps bilan 1080p - 30fps bilan |
| microSD uyasi | yo'q | bor (SIM karta bilan ulashiladi) |
| SIM karta uyasi | ikkilik | gibrid ikkilik |
Ko'rish mumkinki, Nothing smartfoni biroz yaxshiroq chipset bilan tezkor zaryadlanishga ega bo'lsa ham, boshqa ko'plab texnik xususiyatlar borasida Samsung telefoni ustunlik qiladi. Lekin phone (1) da Galaxy A73 da topilmaydigan noyob dizayn, ajoyib funksiyalar ham mavjud. Uning shaffof orqa paneli ostidagi chiziqli LED chiroqlari Glyph interfeysi deb nomlanadi va ular sizga qo'ng'iroq qilishayotganda ringtonga momand tarzda o'chib yonadi. Bundan tashqari, chiroqlarning biri smartfon zaryadlanish bari sifatida ham xizmat qiladi.
Qisqasi, agar siz smartfonlarni ularning texnik xususiyatlariga qarab oladigan bo'lsangiz, Galaxy A73 sizbop bo'lishi mumkin. Yoki agar siz yangiliklarga o'ch va qo'lingizda o'zgacha ko'rinishdagi smartfon ko'rishni xohlasangiz Nothing Phone 1 aynan siz uchun.
