NVIDIA’dan superkompyuter: siz uchun emas, robotlar uchun
Yaqinda Tayvan orolida bo‘lib o‘tgan yirik Computex 2018 xalqaro ko‘rgazmasida NVIDIA kompaniyasi superkompyuter yaratganini e’lon qildi. U Isaac dasturiy platforda bo‘lib, robotlar mashg‘ulot o‘tkazish uchun yaratilgan. Jetson Xavier, deb nomlanuvchi ushbu qurilma robotlar uchun “miya” vazifasini o‘taydigan yangi avlod superkompyuteridir.
Jetson Xavier ham haydovchisiz boshqariladigan avtomobillar uchun o‘rnatiladigan Drive Xavier’dagi chiplardan foydalanadi. Platforma o‘zida bir yo‘la oltita protsessorni jamlagan: sakkizyadroli ARM-chip, Volta Tensor Core grafikasi, chuqur o‘qitish uchun tezlashtirgich (ikkitaga ko‘paytirilgan NVDLA-modul) va kompyuter nigohi, shuningdek tasvir va video bilan ishlaydigan protsessorlar. Ishlash ko‘rsatkichi soniyasiga 30 trillion operatsiyani tashkil etadi. Platforma o‘zidan avvalgi Jetson TX2’ superkompyuteridan 20 marta kuchli sanaladi. Jetson Xavier’ni yaratishga besh yil ketdi. Umuman loyihani hayotga joriy qilish uchun 8000 kishi jalb qilingan.
O‘QING: ROBOTLAR ISYoNI – BU SIZGA FANTASTIKA EMAS
Kompaniya rahbari Djensen Xuang (Jen-Hsun Huang)ning ta’kidlashicha, Jetson Xavier 10 000 dollar turadigan qudratli kilovattli ishchi stansiyasiga ega. Shu bilan birga, NVIDIA superkompyuteri kaftga joy bo‘ladi, iste’mol quvvati 30 Vt va narxi ham avvalgilaridan ancha arzon.
NVIDIA Isaac’ning dasturiy yechimi o‘z navbatida sun’iy ongni jadallashtiradi va “aqlli” mashinalarni mashq qildirish va testdan o‘tkazish uchun dasturiy qurilmalarni ishga tushiradi. Jetson Xavier bazasida ishlayotgan robotlar datchiklar bilan ma’lumotlarni tahlil qilish, bo‘shliqqa moslashish, atrof olamni anglash, yaqinroqda turgan ob’yektlarni tanib olish va ularning o‘zini tutishini oldindan aytish kabi vazifalarni bemalol bajarishi mumkin.
O‘QING: Saudiya fuqaroligini olgan robot endi oila qurishni istayapti
Jetson Xavier sotuviga shu yil avgust oyida start beriladi. To‘liq komplekti narxi dasturchilar (prfessionallar) uchun 1300 dollar qilib belgilangan, oddiy xaridorlar ham NVIDIA Isaac platformasini sotib olishi mumkin.
O‘QING: Computex 2018 ko‘rgazmasi: smartfonlar, noutbuklar, robotlar va boshqa turli ishlanmalar