Opera brauzeridagi bepul VPN’dan foydalanish bo‘yicha batafsil qo‘llanma
Opera Software kompaniyasi Android-qurilmalarga VPN xizmatini qaytarayotganligi haqida kuni kecha yozgandik. Biroq muxlislarimizning murojaatlaridan biz ayrim anglashilmovchiliklar yuzaga kelayotganini payqadik va ushbu xizmatdan foydalanish yo‘lini qadam-baqadam tushuntirib berishga qaror qildik.
O‘QING: EHTIYoT BO‘LING: bepul VPN’larning yarmidan ko‘pi xavfli ekanligi aniqlandi!
Gap shundaki, o‘sha xabarimizda ham yozganimizdek, Opera brauzeridagi VPN funksiyasi hozircha sinov bosqichida bo‘lib, turli hududlardagi foydalanuvchilar uchun bosqichma-bosqich taqdim etiladi. Ushbu imkoniyatdan hoziroq foydalanish uchun esa mazkur ilovaning beta versiyasini ishlatishga va unda VPN funksiyasini faollashtirishga to‘g‘ri keladi. Buni esa quyidagicha amalga oshiramiz.
- Smartfonda Google Play ilovalar katalogini ochamiz va undagi «Beta-versii» varaqasini tanlaymiz:
- Shu yerdan Opera Beta brauzerini topamiz va o‘rnatib olamiz (havola):
- Opera ilovasini ochib, bosh sahifasidagi pastki o‘ng burchakdagi qizil «O» tugmachasini bosish orqali menyuni ochamiz. Uning sozlamalari – «Nastroyki»ga kirib, maxfiy varaqalar uchun VPN’ni faollashtiramiz:
- Brauzerning bosh sahifasiga qaytib, yangi maxfiy varaqa («Privatnaya vkladka» ochamiz va u yerdagi VPN sozlamalariga kiramiz. Bunda endi nafaqat maxfiy, balki oddiy varaqalar uchun ham VPN funksiyasini faollashtiramiz:
Bo‘ldi, endi sizga boshqa VPN servisining keragi yo‘q – saytlarga Opera Beta brauzeri orqali bemalol kiraverasiz!
