O‘tgan yili Google xitoylik kompaniyadan ko‘ra ko‘proq smartfon sotgan
Ma’lum bo‘lishicha, Google'ning smartfon biznesi unchalik ham yomon ketmayapti. Har holda, ko‘pchilik kutgandan ko‘ra yaxshiroq ekan.
. @Google continues to expand the #Pixel portfolio and sales are growing. In 2019 shipments grew 52% YoY to reach the highest volume ever, with strong performances in the USA, Western Europe and Japan. It now ships more units than @oneplus but it is still far from reaching Top10 pic.twitter.com/qY66isF9vN
— Francisco Jeronimo (@fjeronimo) June 9, 2020
IDC e’lon qilgan yangi hisobotga ko‘ra, qidiruv giganti uchun 2019 yil juda yaxshi kelgan. Kompaniya ortda qolgan yilda 7.2 million dona smartfon sotgan va bu ko‘rsatkich 2018 yilgi natijalardan 52% lik o‘sish demakdir. Bu hali hammasi emas. Ushbu natija bilan Google OnePlus'ni ham ortda qoldirgan. Ammo shunday bo‘lsada, har ikki kompaniya smartfon savdolari borasida top 10 kompaniya ro‘yxatiga kirishiga hali ancha bor.
Bu yangilik e’tiborga loyiq, zero, oldingi hisobotlarga ko‘ra, Pixel 3a va Pixel 4 savdolari qurilmalar do‘kon rastalariga yetkazib berilganidan keyingi dastlabki ikki chorak ichida Pixel 3'dan ko‘ra kamroq sotilgan.
Google eng yirik raqobatchilaridan anchayin ortda, lekin o‘sish ko‘rsatkichlari sezilarli darajada. Bu yilgi vaziyat qanday bo‘lishini kutishdan boshqa iloj yo‘q. Pixel 4a taqdimoti bir necha bor kechiktirildi, Pixel 5'ga esa flagman chipi o‘rnatilishi aytilmoqda.
O‘QING: WhatsApp’dagi kontaktlar va yozishmalar Google’ga chiqib ketdi!
