O‘zbekistonda Bentley elektromobillari ishlab chiqarilishi mumkin

  •   DiMaX
  •  882
  •  05.12.2020 09:01

O‘zbekistonda Bentley elektromobillari ishlab chiqarilishi mumkin

«O‘zavtosanoat» aksionerlik jamiyati Buyuk Britaniyaning Bentley kompaniyasi bilan hamkorlikda 2021 yildan boshlab yangi elektromobillarni ishlab chiqarish bo‘yicha muzokara olib bormoqda. Bu haqda ushbu muzokaralardan xabardor manbaga asoslanib Tez News nashri xabar bergan.

O‘QING: O‘zbekiston to‘qqiz oyda qayerlardan va nechta elektromobil sotib olgan?

Ma’lum bo‘lishicha, dastlab O‘zbekiston bozori uchun elektr tarmoq orqali quvvatlantiriladigan ikki xil gibrid avtomobillar ishlab chiqarish va sotuv boshlash rejalashtirilmoqda.

2025 yilga borib ushbu brend ostida olti xil gibrid elektromobillar ishlab chiqarilishi mumkin.

Ma’lumot uchun, Rossiyada 8 oktyabr kuni Bentley kompaniyasi yangilangan Bentayga avtomobili taqdimotini o‘tkazib, keng ommaga elektromobillar ishlab chiqarishni yo‘lga qo‘yish rejasi haqida xabar qilgandi.

Qayd etish kerakki, hozircha bu ma’lumotni boshqa manbalardan tasdiqlashning imkoni bo‘lmadi, «O‘zavtosanoat» AJ ham bu xabar bo‘yicha rasman izoh bermagan. Shuningdek, xabarda bunday avtomobillar ichki bozor uchun yoki eksportga mo‘ljallanganiga aniqlik kiritilmagan, deya qo‘shimcha qiladi Sof.uz.

O‘QING: O‘zbekistonda atigi 12 ming so‘mlik tok bilan 300 km yuradigan elektromobil sinalmoqda (+video)