O‘zbekistonda elektron tibbiy kartalar joriy etiladi
Yurtimizda gematologik va onkologik bemorlarni davolash jarayonlarini kuzatish imkonini beradigan elektron tibbiy kartalar joriy qilinadi. Bu haqda Sog‘liqni saqlash vazirligi rasmiy Telegram-kanali xabar bermoqda.
O‘QING: ID-kartali haydovchi YPX xodimiga ushbu hujjatlarni ko‘rsatishi shart emas! (+video)
«Aholiga gematologiya va onkologiya xizmatlarini ko‘rsatish tizimini yanada takomillashtirish to‘g‘risida»gi Prezident qarori qabul qilindi.
Unga ko‘ra, Sog‘liqni saqlash vazirligiga tegishli tashkilotlar bilan birgalikda:
- joriy yil yakuniga qadar gematologik va onkologik bemorlarni davolash jarayonlarini kuzatish imkonini beradigan elektron tibbiy kartalarni (bemorlar ro‘yxatini) yuritish tizimini yaratish;
- uch oy muddatda og‘ir va davolab bo‘lmaydigan kasallarga narkotik va psixotrop vositalari berish tartibini soddalashtirish hamda og‘riq qoldiruvchi noin’yeksion narkotik vositalarni amaliyotga tatbiq etish;
- 2022 yil 1 martga qadar davolash va palliativ yordam standartlari va klinik protokollarini Jahon sog‘liqni saqlash tashkilotining tavsiyalari asosida takomillashtirish vazifasi topshirilmoqda.
O‘QING: «1 iyundan internet yana 15 foizga arzonlashadi» – bosh vazir maslahatchisi
