Putin rekordchi videoga munosabat bildirdi – «maxfiy saroy»ni u tan olmadi!
Biz yaqinda Rossiya rahbariga tegishli ekanligi aytilgan Gelendjik yaqinidagi saroy haqida olingan videoni e’lon qilgandik. YouTube tarmog‘ida ushbu lavha bir kundayoq rekord o‘rnatgan edi.
O‘QING: Google tarjimoni faqat Putinni prezident deb hisoblayapti!
Rossiya prezidenti Vladimir Putin bloger Aleksey Navalniyning ushbu filmiga izoh berdi. Prezidentning aytishicha, qasr unga yoki uning yaqin qarindoshlariga tegishli emas.
«U yerda mening mulkim deb ko‘rsatilgan narsalar, na men, na mening yaqin qarindoshlarim tegishli va hech qachon tegishli bo‘lmaydi ham», – deya ta’kidladi Putin.
Umuman olganda, RF prezidenti o‘z tanqidchisi Navalniyning «surishtiruv»ini «montaj va to‘qima» deb baholagan.
«Ular faqat ma’lumot to‘plaganlar va barcha shu materiallar bilan fuqarolarimizning miyasini yuvishga qaror qilganlar», – degan Putin.
Prezident basseyn tasvirlangan kollajga e’tibor qaratib, «ular mening suzib turgan suratimni joylashtirdilar, men ba’zida suzib turishni yaxshi ko‘raman. Ammo hech qachon hovuzda suzmaganman. Hovuzning nima ekanini ham bilmayman hatto. Ammo men suzganman. Qachon va qayerda? Yeniseyda. 2016 yilda», – deb ta’kidlagan Putin.
Biroq, prezidentning so‘zlariga ko‘ra, u vaqt yo‘qligi sababli filmni to‘liq ko‘rmagan, faqat yordamchilari tomonidan taqdim etilgan videodan ayrim joylarini ko‘rgan xolos.
Navalniy o‘z filmida eslatib o‘tgan shaxslar haqida gapirganda, Putin ularning orasida do‘stlari ham borligini va hatto o‘zi tanimaydigan do‘stlari ham borligini ta’kidlagan. Ammo prezident biznesga aloqadorligi haqidagi xabarlarni rad etgan: prezident biznes bilan shug‘ullanishini inkor qilgan.
Avvalroq, Putinning matbuot kotibi Dmitriy Peskov Rossiya rahbarining Gelendjik yaqinida qasri yo‘qligini aytgandi.
O‘QING: Nega shifokorlarga Putinni suratga olgan smartfonni yo‘q qilish buyurildi? (+video)
