Qachon Apple ham buklamafon chiqaradi?
The Elec nashrining xabar berishicha, Janubiy Koreyaning LG kompaniyasi buklanadigan OLED panel ishlab chiqish uchun Apple bilan hamkorlik qilmoqda. Panel ultra yupqa oynali bo‘lib, u planshetlar va noutbuklar uchun mo‘ljallangan.
Taniqli Apple tahlilchisi Ming-Chi Kuo ham bu yangilikni tasdiqlamoqda. Uning aytishicha, kupertinolik kompaniya hozirda 9 dyuymli buklanadigan, OLED displeyga ega qurilmani faol ravishda sinovdan o‘tkazmoqda va bu asosiy texnologiyalarni tekshirish uchun bo‘lib, yakuniy mahsulot spetsifikatsiyasi bunday bo‘lmasligi mumkin.
Kuo o‘tgan yili Apple 2024-yilda o‘zining ilk buklamafonini taqdim qilishi aytgan edi, lekin yangiliklardan keyin kecha u endi o‘z tahminlarini o‘zgartirganligini ma’lum qildi. U buklanuvchi Apple qurilmasi 2025-yilning boshida iPad yoki iPad va iPhone gibridi ko‘rinishida taqdim qilinishini tahmin qilmoqda.