Qarshi oling: naq 98 dyuymli Redmi Max 98 gigant televizori taqdim qilindi
Redmi kompaniyasi kuni kecha katta matbuot anjumanini o‘tkazdi, unda bir qator yangi mahsulotlar va Redmi K30 Pro smartfoni taqdim etildi. Ularning orasida ekran hajmi 98 dyuym bo‘lgan ulkan televizor ham bor.
Redmi Max 98 85 foiz NTSC rangli gamut qoplamaga ega 4K o‘lchamli panel bilan jihozlangan. Televizorning yuragi 12 nanometrli texnologik jarayonda ishlab chiqariladigan yangi yakka chipli tizimdir.
Televizor 4 Gb tezkor xotira va 64 Gb doimiy xotiraga ega bitta konfiguratsiyada mavjud. Yangi mahsulotning narxi 2825 dollarni tashkil qiladi. 98 dyuymli bu Redmi televizori yaqin kunlarda sotuvga chiqishi kutilmoqda.
O‘QING: To‘rtta modeldagi Xiaomi va Redmi smartfonlari egalariga noxush xabar bor
