Qaysi iPhone modellari eSIM'ni qo'llab-quvvatlaydi? (ro'yxat)

Qaysi iPhone modellari eSIM'ni qo'llab-quvvatlaydi? (ro'yxat)

Boshqa Android smartfonlarida bo'lganidek, iPhone smartfonlari ikkita jismoniy SIM-karta solib bo'lmaydi. Agar siz ikki yoki uchta SIM-karta egasi bo'lsangiz va iPhone smartfon ishlatsangiz, qolgan SIM-kartalaringiz uchun qo'shimcha telefon olishga shoshilmang. 

Smartfonlar kundan-kunga rivojlanib bormoqda. Masalan, mavzumiz doirasida shuni aytish kerakki, Apple o'zining ilk smartfonlarini mini SIM-kartalar bilan chiqargan bo'lsa, iPhone 4 va iPhone 4S modellari bilan mikro SIM-kartalarga, iPhone 5 bilan esa nano SIM-kartalarga o'tgan. Undan keyin jismoniy SIM-kartalar o'rniga elektron SIM-kartalar paydo bo'ldi va kupertinolik kompaniya o'zining iPhone XS modelidan boshlab ularni qo'llab-quvvatlashni boshladi.

Elektron SIM-karta yoxud qisqachasiga eSIM oddiy jismoniy SIM-kartalarning raqamli ya'ni elektron ko'rinishib, ular bir vaqtda bir nechta operatorlar bilan ulanishni qo'llab-quvvatlashi, jismonan mavjud bo'lmaganligi sabab ham smartfon ishlab chiqaruvchilari ham smartfon foydalanuvchilari qulayligi bilan borgan sari ommalashib bormoqda.

Shunday qilib, bugungi kunda nafaqat Apple, balki ko'plab Android smartfonlarida eSIM qo'llab-quvvatlanishi mavjud, lekin biz hozir qaysi eSIM xususiyati mavjud iPhone modellari bilan tanishamiz:

iPhone 13 Pro Max ikkilik eSIM + nano SIM
iPhone 13 Pro
iPhone 13
iPhone 13 mini
iPhone SE 2022 (uchinchi avlod)
iPhone 12 Pro Max eSIM + nano SIM
iPhone 12 Pro
iPhone 12
iPhone 12 mini
iPhone SE 2020 (ikkinchi avlod)
iPhone 11 Pro Max
iPhone 11 Pro
iPhone 11 
iPhone XR 
iPhone XS Max
iPhone XS

Afsuski, iPhone X smartfonlari ro'yxatdan mavjud emas, ya'ni ushbu model eSIM xususiyatiga ega emas. Apple o'zining smartfonlarida eSIM'ni qo'llab-quvvatlashni iPhone X davomchilari, iPhone XS va XR modellaridan boshlagan. 

iPhone smartfonlarida ikkita SIM-kartadan foydalanib bo'lmaydi deb kim aytdi? Siz iPhone XS modelidan to iPhone 12 seriyasidagi modellargacha ham eSIM, ham nano SIM-kartalar bilan ikkita SIM-kartadan, uchinchi avlod iPhone SE modelidan boshlab esa ikkita eSIM va nano SIM-karta bilan uchtagacha SIM-kartadan foydalanishingiz mumkin.

Kelajakda esa, Apple yangi avlod iPhone modellari: iPhone 14 yoki iPhone 15 bilan jismoniy SIM-kartalardan butunlay voz kechishi, SIM-karta uyasisiz, faqat eSIM qo'llab-quvvatlanadigan smartfonlarini taqdim qilishi kutilmoqda.

Aytish kerakki, O'zbekistonda MobiUz, Beeline Uzbekistan va UzMobile aloqa operatorlari eSIM bilan ulanish xizmatini taqdim qilishadi.

O'QING: Kuzning birinchi kunida yangi smartfon taqdim etiladi

Sayt yangiliklaridan doimiy xabardor bo'lish uchun Telegram kanalimizga qo'shiling!