Qaysi Xiaomi smartfonini sotib olsam ekan?
Qaysi Xiaomi smartfonini sotib olsam ekan deb o‘ylanyotgan muxlislar uchun ushbu maqolamiz juda foydali bo‘lishi mumkin. Bugun Xiaomi tomonidan yangi taqdim etilgan Poco F4, Poco X4 GT va Xiaomi 12 Lite smartfonlarini taqqoslaymiz.
Smartfonlar narx jihatidan bir-biriga juda yaqin, shuning uchun aynan taqqoslash uchun ushbu smartfonlar tanlandi. Dastavval quyida uchala smartfonning texnik ko‘rsatkichlarini solishtirib chiqamiz.
Eslatib o‘tamiz, smartfon rasman 350-400 dollarlar atrofida sotuvga chiqqan. Savdo ofislarida narxlar turlicha bo‘lishi mumkin.
| Smartfon modeli | Xiaomi Poco F4 | Xiaomi Poco X4 GT | Xiaomi 12 Lite |
| Taqdim etilgan sana | 2022 yil 23 iyun | 2022 yil 23 iyun | 2022 yil 9 iyul |
| O‘lcham | 163.2x76.0x7.7mm, 195g | 163.6x74.3x8.9mm, 200g | 159.3x73.7x7.29mm, 173g |
| Korpus | plastik, orqa panel shisha | plastik, orqa panel plastik | plastik, orqa panel plastik |
| Displey | 6.67“ AMOLED, 120 gerts chastota, HDR10+, Dolby Vision, 1300 nit yorqinlik (maksimal), 1080x2400 piksel rezolyutsiya, 20:9 forma faktori, 395ppi zi | 6.60 dyuymli IPS LCD, 144 gerts, HDR10, Dolby Vision, 500 nit yorqinlik (o‘rtacha), 1080x2460 piksel rezolyutsiya, 20.5:9 forma faktori, 407ppi zichlik. | 6.55 dyuymli AMOLED, HDR10+, Dolby Vision, 120 gerts, 500 nit yorqinlik (o‘rtacha), 1080x2400 piksel rezolyutsiya, 20:9 forma faktori, 402ppi zichlik |
| Chipset | Qualcomm Snapdragon 870 5G (7 nm), Adreno 650 | MediaTek Dimensity 8100 (5 nm), Mali-G610 MC6 | Qualcomm Snapdragon 778G 5G (6 nm), Adreno 642L |
| Xotira | 6/128GB, 8/256GB; UFC 3.1 | 8/128GB, 8/256GB; UFS 3.1 | 6/128GB, 8/128GB, 8/256GB; UFS 2.2 |
| Dasturiy ta’minot | Android 12, MIUI 13 |
Android 12, MIUI 13 |
Android 12, MIUI 13 |
| Kamera |
Asosiy kamera: 64 MP, f/1.8 1/2.0“, 0.7µm, PDAF, OIS Ultrakeng kamera: 8 MP, f/2.2 Makro kamera: 2 MP, f/2.4 |
Asosiy kamera: 64 MP, f/1.9, 1/1.72“, 0.8µm, PDAF Makro kamera: 2 MP, f/2.4 |
Asosiy kamera: 108 MP, f/1.9, 26mm, 1/1.52“, 0.7µm, PDAF Ultrakeng kamera: 8 MP, f/2.2 Makro kamera: 2 MP, f/2.4 |
| Selfi kamera | 20 MP, f/2.5 | 16 MP, f/2.5 | 32 MP, f/2.45 |
| Video yozuv |
Asosiy kamera: 4K@30fps, 1080p@30/60fps; gyro-EIS; Selfi kamera: 1080p@30fps |
Asosiy kamera: 4K@30 kadr/sek, 1080p@30/60 kadr/sek; Selfi kamera: 1080p@30 kadr/sek |
Asosiy kamera: 4K@30 kadr/sek, 1080p@30/60/120 kadr/sek; gyro-EIS; Selfi kamera: 1080p@30/60 kadr/sek, 720p@120 kadr/sek |
| Akkumulyator | 4,500 mAs; 67 vatt tezkor quvvlash texnologiyasi | 5,080 mAs; 67 vatt tezkor quvvlash texnologiyasi | 4,500 mAs; 67 vatt tezkor quvvlash texnologiyasi |
| Qo‘shimcha ko‘rsatkichlar | Barmoq izi skaneri (yon tomonda), NFC, stereo dinamik, infraqizil port | Barmoq izi skaneri (yon tomonda); infraqizil port; 3.5 mm audio jek; stereo dinamik | Barmoq izi skaneri (ekran ostida, optik); infraqizil port; stereo dinamik |
| Narx | 6/128GB - 400 dollar | 8/128GB - 380 dollar | 6/128GB - 400 dollar |
Demak, texnik ko‘rsatkichlaridan shuni aytishimiz mumkinki, agar siz smartfonda ko‘p o‘yin o‘ynasangiz yoki og‘ir vazifalarni bajarsangiz Poco X4 GT modelini tanlanganingiz ma’qul. Chunki ushbu qurilma yuqori unumdorlikni taqdim etuvchi Dimensity 8100 chipi bilan jihozlangan. Shuningdek, smartfon ichiga sovutish qoplami o‘rnatilgan bo‘lib, bu chipning qizib ketib unumdorlik darajasi pasayib ketishini oldini oladi.
X4 GT modelinining ikki smartfondan yana bir ustunlik tomoni uning displeyi 144 gertsda ishlaydi. Bu esa o‘yin o‘ynash vaqtida qo‘shimcha ustunlikni taqdim etadi. Qolaversa, uchta smartfon ichida X4 GT eng katta hajmli akkumulyatorga ega smartfon hisoblanadi - 5,080 mAs.
Unumdorlik darajasi bo‘yicha Snapdragon 870 chipi bilan jihozlangan Poco F4 modeli X4 GT'dan hech ham qolishmaydi. Shuningdek, F4 ham sovutish tizimiga ega. F4 modeliga X4 GT'dagi LCD o‘rniga AMOLED displeyi o‘rnatilgan. AMOLED displeyining darajasi esa LCD'dan yuqoriroq.
Kamera texnik ko‘rsatkichlari bo‘yicha ham Poco F4 qolgan ikki smartfondan yaxshiroq ko‘rinmoqda. Garchi Xiaomi 12 Lite modeli yuqori rezolyutsiyadagi kamera bilan jihozlangan bo‘lsa-da, uning kamerasida F4 kabi optik stabilizatsiyaga mavjud emas. Bundan tashqari, ikki modeldan farqli o‘laroq Poco F4'ning orqa paneli plastik emas, balki shisha bilan qoplangan.
O‘rta toifadagi Snapdragon 778G chipiga ega bo‘lgan Xiaomi 12 Lite uch qurilma ichida eng kuchsiz smartfon bo‘lib ko‘rinishi mumkin. Biroq Snapdragon 778G flagman chiplar kabi bo‘lmsa ham yaxshi unumdorlik darajasini taqdim etadi.
Smartfonning afzalliklariga to‘xtaladigan bo‘lsak, u qolgan ikki smartfonga qaraganda ancha ixcham. Qurilma qo‘lda juda yaxshi o‘rnashib turadi. Qolaversa, uning asosiy kamera rezolyutsiyasi 108 megapikselni tashkil qiladi. Poco modellari esa 64MP asosiy kameraga ega.
Yana bir kichik ustunlik shundaki, Xiaomi 12 Lite'ning selfi kamerasi 1080p 60 kadr/soniya formatda videolar olishi mumkin. Qolgan ikki smartfon 30 kadr bilan cheklangan.
O‘QING: HDR va Dolby Vision nima va ular qanday vazifani bajaradi?
