Realme avjiga chiqyapti: birdaniga sakkizta yangi gadjet!
Kuni kechagina Realme Hindistonda Narzo yangi turkumining ilk vakillari – Narzo 10 hamda Narzo 10A smartfonlarini namoyish qilgan edi. Oppo korporatsiyaga qarashli mazkur kompaniya darrov nvbatdagi yirik taqdimotiga taklif etyapti!
Rasmiy posteriga qaraganda, 25 may kuni Realme onlayn anjuman o‘tkazib, birdaniga sakkizta yangi devaysini namoyish etmoqchi!
Yuqoridagi suratda smartfon, portativ akkumulyator – poverbank hamda simsiz quloqchin tasvirlangan. Qolgan beshta yangi mahsulotning aynan qaysi turga mansub ekani hozircha noma’lum.
O‘QING: Bir yilda 500 foizga o‘sgan rekordchi brend birinchi bo‘lib 4G-smartfonlardan voz kechadi!
Yana bitta poster esa Realme ushbu yangi smartfonini Blade Runner («Tig‘ uzra yuguruvchi») kodli nomi ostida tayyorlayotganini ko‘rsatyapti:
Aytish kerakki, Realme ikki yil ichida eng tez o‘sayotgan smartfon brendiga aylanib ulgurdi, hali boshqa birorta smartfonsoz bunaq o‘sishga erishgan emas. Turli telefonlardan tashqari, u Realme Band smart-brasleti, Realme TV va yana Xiaomi’ning uch xil gadjeti «kushanda»larini va boshqa har xil qurilmalarni namoyish etgan.
O‘QING: «Chetroq tur, Xiaomi!» – Realme yana bir turdagi ilk devaysini taqdim etyapti
