Realme global bozorga ikkita flagman smartfon tayyorlayapti
AnTuTu benchmarkining 2021 yil may oyidagi eng tezkor o‘nta flagman reytingiga kutilmaganda Realme GT modeli ham kirgan. Shu yilning 4 mart kuni namoyish qilingan ushbu qurilma Snapdragon 888 chipli eng arzon smartfon sifatida maydonga tushgan.
O‘QING: O‘rta narxli o‘nta eng kuchli smartfon (AnTuTu reytingi, 2021 yil may)
Mazkur kompaniyaning bosh direktori Madhav Shet (Madhav Sheth) o‘zining Twitter-akkauntida yozishicha, Realme dunyo bozoriga chiqarish uchun ikkita kuchli smartfon tayyorlayapti. Mazkur qurilmalar Realme GT 5G Performance Flagship hamda Realme GT Camera Flagship nomlari ostida sotiladi.
Super excited to share with all of you that the #realmeGT 5G Performance Flagship will be released globally in June and the realme GT Camera Flagship will be released in July.#LeapTo5G pic.twitter.com/u5JUifXNPe
— Madhav Max 5G (@MadhavSheth1) June 3, 2021
Realme GT 5G Performance Flagship modeli joriy oydayoq namoyish etiladi va, katta ehtimol bilan, u o‘sha – Xitoyda chiqqan Realme GT rusumli 5G-flagmanining global versiyasi bo‘ladi.
Realme GT Camera Flagships flagmani iyulda taqdim etilishi aytilgan, ammo xususiyatlari noma’lum. Lekin nomiga qarab, uning kamerofon bo‘lishini taxmin qilish qiyin emas.
O‘QING: Snapdragon 888 chipli va 144Hz AMOLED-ekranli AnTuTu «qiroli» bor-yo‘g‘i 470 dollarga baholandi!
