Redmi K30 arzonlashdi – Redmi K30i taqdimoti yaqinmi?
Xiaomi korporatsiyasining arzonchi brendi o‘tgan yilning dekabrida Redmi K30 rusumli 5G-flagman hamda uning 4G-versiyasini taqdim etgan. Bu – hozirgacha bozorga chiqqan Qualcomm protsessorli 5G-smartfonlarning eng arzonidir.
O‘QING: Aldanib qolmang: Redmi Note 9 Pro protsessori Qualcomm’nikidan boshqa bo‘lishi ham mumkin!
Taqdimotidan besh oy o‘tib, kompaniya Redmi K30 4G smartfonining narxini pasaytira boshladi. Aniqrog‘i – hozircha uning bittagina, 6/128 gigabaytlik tezkor/ichki xotiraga ega varianti arzonlashgan. Xitoyda uning rasmiy narxini 1699 yuandan 1599 yuangacha (240 dollardan 226 dollargacha) pasaytirishgan:
Kuzatuvchilarning fikricha, bunday «saxiylik» sababi – yaqin orada Redmi K30i rusumli yangi modelning namoyish etilishi bo‘lishi mumkin. Redmi brendi narxi 254 dollardan boshlanuvchi mazkur devays eng arzon 5G-smartfon borasidagi rekordini yangilaydi.
O‘QING: Xiaomi iyulning oxirigacha chiqaradigan 17 ta yangi gadjet bilan tanishing!