Rekordchi 5G-smartfonlarning ham namoyish kuni aniq (+video)
Xitoylik sermahsul smartfonsoz – Oppo o‘zining Reno 3 rusumli 5G-smartfonini tayyorlayotgani haqida yozgan edik. Ishlab chiqaruvchi endi uning taqdimot sanasini rasman ma’lum qildi.
O‘QING: "Jamoa! Brigada! Bizga qo‘shil!": Xiaomi, Vivo, Oppo va Realme birlashishdi!
Taniqli informator Mukul Sharma (Mukul Sharma) o‘zining Twitter-akkauntida mazkur kamerofon haqida muhim ma’lumot e’lon qildi. Unga ko‘ra, ishlab chiqaruvchi Oppo Reno 3 smartfonlar turkumini 26 dekabrda bo‘lib o‘tadigan tadbirda jamoatchilikka rasman ko‘rsatadi.
Confirmed. Oppo Reno 3 Series is launching on December 26.#oppo #opporeno3 #snapdragon765g pic.twitter.com/jtcovEAcER
— Mukul Sharma (@stufflistings) December 11, 2019
Ushbu turkumga ikkita model kiradi va ular dunyodagi eng yupqa 5G-smartfonlar sifatida rekordchi bo‘lyapti. Biroq ularning narxlari hozircha noma’lum.
O‘QING: O‘tgan hafta trendda bo‘lgan top 10 smartfon (qirq to‘qqizinchi hafta)
Oppo Reno 3 standart smartfoni MediaTek kompaniyasi yaqinda taqdim etgan Dimensity 1000 protsessoriga asoslangan. Mazkur chipset AnTuTu benchmarkining etalon testida Snapdragon 855+ va hattoki Apple A13 Bionic protsessorlaridan ham yuqori natija ko‘rsatgan.
Yanada ilg‘or – Oppo Reno 3 Pro versiyasi bo‘lsa Qualcomm kompaniyasining Snapdragon 765G chipseti bazasiga qurilgan. Bu modelning ekran yangilanish chastotasi sheriginikiga qaraganda yuqori bo‘ladi.
O‘QING: Ikkita narx toifasidagi eng kuchli smartfonlar (AnTuTu reytingi, 2019 yil noyabr)