Samsung o'zining o'rta sinf smartfoni uchun ham One UI 5 yangilanishini tarqatishni boshladi
Samsung kompaniyasi o'zining Galaxy A53 smartfoni uchun ham Android 13'ga asoslangan One UI 5 yangilanishini Yevropa mamlakatlarida tarqatishni boshladi, deya xabar bermoqda SamMobile nashri. Ma'lum bo'lishicha, proshivka versiyasi A536BXXU4BVJG bo'lgan 2GB hajmdagi yangilanish smartfonning 5G modeli uchun chiqarilgan bo'lib, u oktabr oyi xavfsizlik yamog'ini o'z ichiga oladi.
Galaxy A53 5G uchun yangilanish tarqatilishi endigina Yevropada boshlangan ekan, boshqa hududlardagi ushbu smartfon egalari ham yaqin haftalarda yangilanishni qabul qilishni boshlashlari aniq.