Samsung ikkita hamyonbop smartfonini Android 10’ga ertaroq yangilay boshladi

  •   DiMaX
  •  1708
  •  13.02.2020 16:54

Samsung ikkita hamyonbop smartfonini Android 10’ga ertaroq yangilay boshladi

Janubiy koreyalik texnogigant o‘zining Galaxy A turkumidagi – o‘rta narxli smartfonlarini Android 10 bazasidagi OneUI 2.0 proshivkasiga aprelda yangilashga va’da bergandi. Sammobile nashriga ko‘ra, ushbu seriyaning ikkita vakiliga allaqachon bu proshivkalar kela boshlagan.

O‘QING: Samsung naq 64 MPlik kvadrokamera va 6000 mA/soatlik batareyaga ega arzon «megamonstr» taqdimot kunini e’lon qildi

Manbaga ko‘ra, Samsung Galaxy A30 hamda Galaxy A50s modellari allaqachon o‘ninchi avlod Android operatsion tizimiga asoslangan OneUI 2.0 interfeysiga yangilanmoqda. Biroq hozircha bulardan birinchisi uchun apdeytlar faqat Hindistondagi, ikkinchisi uchun esa Vetnamdagi foydalanuvchilarga tarqatilmoqda.

OneUI 2.0 proshivkasi bilan birga ushbu modellarga fevral oyidagi Android xavfsizlik patchlari ham kelmoqda. Boshqa hududlardagi Galaxy A30 va Galaxy A50s smartfonlari uchun ham Samsung yaqin orada yangi proshivkani uzata boshlasa kerak.

O‘QING: Samsung Galaxy A11 haqida yangi xabar tarqaldi