«Sharshara ekranli» Vivo Nex 3 5G taqdimoti uchun antiqa joy tanlandi! (+«jonli» video va suratlar)
Vivo kompaniyasi bugun – 16 sentyabrdayoq o‘zining Nex 3 5G smartfonini namoyish qiladi. Bu – beshinchi avlod uyali aloqa tarmog‘ida ishlovchi, «sharshara ekranli» dizaynga ega kuchli qurilmadir.
O‘QING: Vivo "sharshara"li ekranga ega smartfonini ko‘rsatdi
Taniqli insayder Mukul Sharma (Mukul Sharma) xabariga ko‘ra, Vivo namoyish uchun o‘ta g‘alati joy tanlagan – uni mana shu kema bortida taqdim etishadi!
Insayderga ko‘ra, Nex 3 5G flagmani bilan birga kemadagi tadbirda yana butkul simsiz Vivo TWS quloqchini ham namoyish qilinadi:
AirPods «qotili» deya tavsiflanayotgan mazkur aksessuar korpusi gradiyent tusli, g‘ilofidan zaryadlanuvchi hamda aptX texnologiyasiga ega.
Bulardan tashqari, ayni shu insayder Vivo Nex 3 5G modelining «jonli» videosini tarqatgan:
Vivo NEX 3 5G hands on video.#vivo #vivonex #vivonex3 #nex35G #vivotws pic.twitter.com/lvQS3vre9u
— Mukul Sharma (@stufflistings) 15 sentyabrya 2019 g.
Ushbu smartfonni turli tomonlaridan olingan «jonli» rasmlari ham tarqalgan:
Vivo Nex 3 5G modelining 6,89 dyuymlik «sharshara ekran»i korpus old yuzasining 99,6% qismini egallaydi.
O‘QING: Oppo «sharshara displey»li smartfonini e’lon qildi
Snapdragon 855 Plus protsessori hamda 5G-modemli mazkur smartfon 64 megapiksellik kameraga ega, uning 4500 mA/soatlik akkumulyatori esa 44 vattlik texnologiya asosida tezkor quvvatlanadi.
Vivo Nex 3 5G tezkor xotirasi 8 hamda 12 gigabaytlik, doimiy xotirasi esa 128, 256 hamda 512 gigabaytlik variantlarda taklif etiladi, narxi hozircha noma’lum.
O‘QING: O‘tgan hafta trendda bo‘lgan top 10 smartfon (o‘ttiz yettinchi hafta)
