Shvarseneggerning yoshligi ijrosidagi Predator: Hunting Grounds jangovar o‘yinini 30 avgustgacha bepul o‘ynang!
Predator: Hunting Grounds o‘yinini yanada ommalashtirish maqsadida unga yangi obraz qo‘shishdi. Bu – o‘sha mashhur «Yirtqich» («Xiщnik» – « Predator») filmining bosh qahramoni, yosh Arnold Shvarsenegger ijrosidagi Datch laqabli harbiy bo‘ladi.
Aytish kerakki, hozirgi qiyofasidagi «Temir Arni» obrazi Predator: Hunting Grounds o‘yiniga may oyidanoq qo‘shilgan edi. Yangi qo‘shilgan Datch esa Shvarseneggerning ayni kuchga to‘lgan yoshlik davridan olingan.
Bundan tashqari, Predator: Hunting Grounds mulliflari o‘yinga yangi auditoriyani jalb etish maqsadida uni vaqtincha bepul qilishdi. Ya’ni, PlayStation 4 pristavkalari egalari uni 27 avgustdan 30 avgustgacha tekinga o‘ynashlari mumkin.
Demak, mana bu havola orqali o‘tib, mashhur film asosidagi jangovar o‘yinni o‘zingiz sinab ko‘ring va PlayStation 4 konsolidan foydalanuvchi do‘stlaringizga ham bu xabarni yetkazing!