Sony aytadiyam, qaytadiyam: PlayStation 5 taqdimoti bekor qilindi!
PlayStation 5 o‘yin pristavkasining taqdimot kunini Sony kompaniyasi rasman e’lon qilgan edi. Endi esa, Android 11 operatsion tizim talqinining namoyishi bekor qilingani kabi, mazkur onlayn tadbir ham qoldirildi.
O‘QING: Ikki qismli luter-shuter o‘yinni 4 iyungacha bepul olib qo‘ying! (+video)
Sony’ning yangi tvitida ta’kidlanishicha, hozir yangi mahsulotlar taqdimotini nishonlaydigan palla emas. Ko‘rinib turibdiki, bu yerda AQShda politsiyachi afroamerikalikni o‘ldirib qo‘ygani ortidan yuzaga kelgan norozilik namoyishlari nazarda tutilmoqda.
— PlayStation (@PlayStation) June 1, 2020
Afsuski, PlayStation 5 rasmiy namoyishi aynan qaysi sanaga qoldirilganini Sony aytmagan ham. Bu boradagi va o‘yinlar sohasidagi yangiliklarni Terabayt.uz saytining «O‘yinlar» bo‘limida kuzatishda davom eting.
O‘QING: PlayStation 5’ga chiqadigan barcha 38 ta o‘yin rasmiy ro‘yxatda!