«Tajovuzkor» narxli Redmi Note 10 hamda Note 10 Pro: taqdimot kuni, ranglari va texnik xususiyatlari
Xiaomi korporatsiyasi ko‘pdan beri kutilayotgan Redmi Note 10 rusumli smartfonini va uning «Pro»-versiyasini Hindistonda nmoyish etmoqchi. Ishonchli insayder Ishan Agarval (Ishan Agarwal) va 91mobiles nashri ularning ayrim xususiyatlarini e’lon qildi.
O‘QING: Redmi Note 10 xususiyatlari va «jonli» rasmlarini TENAA fosh etdi!
So‘nggi ma’lumotlarga ko‘ra, Redmi Note 10 va Redmi Note 10 Pro modellarining rasmiy namoyishi 7 fevral kuni bo‘lib o‘tadi. 91mobiles nashri hatto bazaviy modelning narxigacha yozgan – 16 999 rupiy, ya’ni taxminan 233 AQSh dollari.
Ushbu fabletlar 700-seriyadagi Qualcomm Snapdragon protsessori bilan chiqariladi; katta ehtimol bilan, bu Snapdragon 750G modelidir. Lekin ularning beshinchi avlod uyali aloqa tarmog‘ini qo‘llamaydigan versiyasi ham bo‘lishi kutilmoqda.
O‘QING: Redmi Note 10 Pro 4G ham tayyor: uning nimasi Galaxy Note 20 Ultra’dan olingan?
Redmi Note 10 turkumi diagonaliga 6,67 dyuymlik, yangilanish chastotasi yuqori bo‘lgan IPS-displey bilan ta’minlanadi. Kvadrokameraning asosiy datchigi 64 megapiksellik, akkumulyatorlari esa 5000-6000 mA/soatlik bo‘lib, tezkor quvvtlanadi. Bazaviy model oq, yashil va kul rang korpuslarda bozorga chiqariladi.
Exclusive:
— Ishan Agarwal (@ishanagarwal24) January 20, 2021
Redmi Note 10 Series (Grey, White & Green color options for Note 10) is expected to launch in India in February! We are expecting aggressive price this time with better specs this time.
What are you expecting? :)
Please Link & Credit:https://t.co/v0jpmTQk8J
Xiaomi mazkur qurilmalarini Android 11 sosidagi MIUI 12 grafik qobig‘i bilan taqdim qiladi. Ularning qanchadan sotilishi aniq emas; lekin, Ishan Argavalning yozishicha, kompaniya bu modellariga «tajovuzkor darajada arzon» narx belgilaydi. Zero, asosiy raqibi – Realme kompaniyasi Hindiston smartfon bozorida Redmi brendiga yetay deb qolgan.
Darvoqe, ushbu turkumning boshqacha – Redmi Note X nomi bilan chiqarishi haqida ham xabarlar tarqalgan.
O‘QING: TOP-10: Eng ravon ishlovchi smartfonlar (Master Lu reytingi, 2020 yil)
