Taqdimotidan ikki hafta oldin Galaxy F41 kamerofonining anboksing videosini ko‘ramiz!
Samsung yangi – Galaxy F turkumida arzon kamerofonlar turkumiga asos solganligi haqida yozgan edik. Mazkur seriyaning ilk vakili – Galaxy F41 modelining rasmiy namoyish sanasini kompaniya kuni kecha e’lon qilgan, lekin xitoyliklar uni dog‘da qoldirishga ham ulgurishdi.
O‘QING: Hamyonbop kamerofon – Vivo V20 SE namoyish qilindi
Endi esa hindistonlik bloger Technical Guruji nomli YouTube-kanalida Samsung Galaxy F41 smartfonining videosini ulashdi. Lavhada u mazkur kamerofonning qadog‘ini ochib, qurilmaning o‘zini yoqib, ishlatib ko‘rsatgan.
Ushbu hamyonbop kamerofonning tashqi ko‘rinishi chindan ham Galaxy M31 «megamonstr»iga o‘xshash ekan:
Vloger bu rolikda Galaxy F41 modelining texnik xususiyatlarini oshkor etmagan. Lekin hozirgacha insayderlar tarqatgan xabarlarga ko‘ra, Samsung uni Exynos 9611 protsessori, 6/8 GBlik tezkor va 64/128 GBlik ichki xotiralar bilan chiqaryapti. Qurilma USB-C porti orqali quvvatlanuvchi, ancha sig‘imdor – 6000 mA/soatlik akkumulyatordan tashqari, kontaktsiz to‘lovlar uchun NFC moduliga ham ega.
Samsung Galaxy F41 uch modulli bosh kamerasida asosiy sensor 65 megapiksellik bo‘lishi, selfi-kamera datchigi esa 32 megapiksellik bo‘lishini ham aytishmoqda. Kompaniya uni Hindistonda namoyish qiladi va 200–300 AQSh dollari orasida baholashi kutilmoqda.
