Telefon kamera linzalarini qanday tozalash kerak?

Hammamizda bo'lgan. Telefonimiz bilan biror nimani tezda suratga olmoqchi bo'lamiz, lekin tasvir xira bo'ladi. Bunday holatda deyarli hammamiz qiladigan ish - ko'ylagimiz bilan kamera linzalarini tozalashdir. Garchi vaqti-vaqti bilan yumshoq kiyim bilan tozalash usuli unchalik zarar keltirmasa-da, kamera linzalarini tozalashning yaxshiroq usullari mavjud.

Mobil telefoningiz kamera linzalarini tozalashning to'rtta usuli

1. Changni yo'qotish uchun tozalovchi ruchkadan foydalaning

Agar telefoningiz kamera linzalari chang bosgan bo'lsa, tozalash ruchkasi yoki shunga o'xshash yumshoq cho'tka bilan ishingiz tez bitadi. Tozalash ruchkalari turli shakl va o'lchamlarda bo'ladi. Ba'zilarining cho'tkasi nozikroq, boshqalari esa kengroq, yumshoqroq cho'tka uchlariga ega. O'zingizga kerakli o'lchamdan foydalaning va chang bilan xayrlashing.

Agar siz tozalovchi ruchka sotib olishni xohlamasangiz, toza, yumshoq pardoz cho'tkasi xuddi shunday vazifani bajara oladi.

2. Dog'larni tozalash uchun mikrofiber matodan foydalaning

Agar kamerangizning linzalari barmoq izlari bilan qoplanib, loyqa bo'lib ketgan bo'lsa, uni yumshoq mikrofiber mato tozalash kerak bo'ladi. Obyektivda chang zarralarini qoldiradigan ro'molcha yoki ko'ylagingiz chetidan farqli o'laroq, mikrofiber mato zig'ir qoldirmasdan dog'larni o'chiradi.

Agar sizda mikrofiber mato bo'lmasa, har qanday yumshoq mato (agar u mato yumshatgich bilan yuvilmagan bo'lsa) xuddi shunday ishni bajaradi (mato yumshatuvchi bilan yuvilgan matolar kamera linzalarida chiziqlar qoldirishi mumkin).

3. Ketmaydigan kirlar uchun linza tozalovchi salfetkalardan foydalaning

Agar siz biron yog'li taom yeganingizdan so'ng kamera linzalarini ushlagan bo'lsangiz yoki kamera mato bilan tezda tozalash uchun juda kir bo'ladigan bo'lsa, unda sizga maxsus linza tozalaydigan nam salfetkalar kerak bo'ladi. Bunday turdagi salfetkalar linzalarni tozalash vositasi bilan namlangan bo'ladi va bu linzalarni yog' va kirlardan samaraliroq tozalaydi.

Kamera linzalari uchun oddiy nam salfetkalardan foydalanmang, chunki ular ko'pincha obyektivingizni yanada yog'li qiladigan moddalarni o'z ichiga oladi.

4. Linza tozalovchi yoki uning qo'lbola variantidan foydalaning

Shunday qilib, agar sizda linzalarni tozalash salfetkasi bo'lmasa, siz linza tozalovchi yoki uning uyda tayyorlangan variantidan foydalanishingiz mumkin. Agar siz linzalarni tozalovchilarni sotib olishni xohlamasangiz, uni 50:50 nisbatda 70% izopropil spirti va distillangan suvni aralashtirish orqali o'zingiz tayyorlashingiz mumkin. Bunda agar dog'larsiz natijaga erishishni istasangiz oddiy suvdan foydalanmaganingiz ma'qul.

Kamerasi linzasiz ichidagi bug'ni qanday olib tashlash mumkin?

Hamma smartfonlar ham IP reytingli himoya darajasiga ega emas, ayniqsa ular flagman bo'lmasa. Agar kamerangizning linzalari ichi parli bo‘lsa, demak, namlik kamera korpusiga kirib, uning ichki qismida to‘planib qolgan.

Ushbu tumandan xalos bo'lish va namlikning chiqib ketishi uchun siz telefoningizni quritishingiz kerak bo'ladi. Buning eng oson yo'li telefoningizni silika jel paketlari yoki pishirilmagan, quruq guruch bilan havo o'tkazmaydigan idishga joylashtirishdir. Ular taxminan 24 soat ichida telefoningizdan namlikni tortib oladi.

Telefoningiz quruq guruchli vanna qabul qilayotgan vaqtda uni o'chirib qo'ygan ma'qul, chunki namlik siz o'ylagandan ko'ra chuqurlashib ketgan bo'lishi va qurilmangizning ichki elektronikasi bilan bog'liq muammolarga olib kelishi mumkin.

Telefoningizni fen bilan puflash yuqoridagi usuldan ko'ra yaxshiroq tuyulsa-da, haddan tashqari issiq harorat yaxshilikdan ko'ra ko'proq zarar keltirishi mumkin.

Agar telefoningiz guruch yoki silika gel ichida bir kun o'tkazgandan keyin ham uning kamera linzalari tumanligicha qolsa, uni ustaxonaga olib borganingiz ma'qul.

Agar nima qilayotganingizni bilsangiz, kamera linzasining ichki qismidagi bug'ni tozalash uchun telefoningizni qismlarga ajratsangiz ham bo'ladi (va telefoningizga qarab, bu hatto kamera modulini demontaj qilishni ham talab qilishi mumkin, bu holda uni qayta qo'yish sezilarli darajada qiyinlashadi).

Kamera linzalarini qanday himoya qilish kerak?

Agar siz telefoningiz kamerasini iloji boricha uzoq vaqt davomida yangidek holatda saqlamoqchi boʻlsangiz, unda siz linzalar uchun himoya vositalarini, old kamera himoyasi uchun esa toʻgʻri ekran himoyachisi qidirib ko'rishingiz kerak. Himoya vositalari kamera linzalari oynasiga yopishib turadi va uni tirnalishdan himoya qiladi. Mabodo, ular ham iflos bo'lib qolsa-da, siz ularni osongina almashtirishingiz mumkin.

Agar siz linza himoyachilaridan foydalanishni xohlamasangiz, lekin telefoningiz kamera linzalarini tirnalishsiz saqlashni istasangiz, u holda ularni baland ko'tarilgan, qalinroq smartfon keysi bilan qo'pol yuzalardan uzoqroq saqlashingiz mumkin.

Kamera linzalarini tozalashda nimalar qilmaslik kerak?

Biz kamera linzalarini qanday tozalash va oyna ostidagi pardan qanday qutulish kerakligini ko‘rib chiqdik; keling, endi telefon kamerasini tozalashda nimalar qilmaslik kerakligi haqida gaplashamiz.

1. Maishiy oyna tozalagichdan foydalanmang

Windex kabi uy oyna tozalagichlari telefoningiz kamerasining linzalarini nozik qoplamasi uchun juda qattiqlik qiladi. Sizga ulardan saqlanish va faqat linzalar uchun mo'ljallangan mahsulotlardan foydalanish tavsiya qilinadi.

2. Qo'pol matolardan foydalanmang

Kamerani tozalashda foydalanadigan mato qanchalik qo'pol bo'lsa, kamera linzalarining tirnalish ehtimoli shunchalik ko'p bo'ladi. Bu iflos kiyimlardan foydalanishga ham tegishli. Nopok kiyimlarda allaqachon qum to'plangan bo'lishi, siz ularni kamera linzalariga surtishingiz mumkin. Bu esa kamera linzalarining tirnalishiga olib keladi.

3. Oddiy vodoprovod suvidan foydalanmang

To'g'ri, distillangan suvni topish biroz qiyin bo'lishi mumkin, lekin agar dog'larsiz natijaga erishmoqchi bo'lsangiz, sizga tozaroq suv narsa kerak bo'ladi. Oddiy vodoprovod suvi tarkibida minerallar va boshqa aralashmalar mavjud bo‘ladi va ular ekranda qolishi, kamera linzalarini hali ham iflos ko‘rinishga olib keladigan izlar yoki dog'larni qoldirishi mumkin.

Agar shubhalansangiz, ishni professionallarga topshiring

Sezgan bo'lsangiz, yaxshi sababga ko'ra telefoningiz kamerasi linzalarining ichki qismini tozalash haqida hech narsa aytmadik. Agar kamera linzalarini ichkaridan tozalash kerak bo'lsa va buni o'zingiz qila olishingizga shubhangiz qilsangiz, ishni professionallarga topshirishingizni tavsiya qilamiz. Afsuski, kamera ichida bug' IP darajasiga ega bo'lgan telefonlarda ham paydo bo'lishi mumkin va muammoning aniq nimada ekanligiga qarab, yechim uni yolg'iz qoldirish yoki ta'mirlashga yuborish bo'lishi mumkin. Ishning aniq faktlarini bilmasdan turib maslahat berish qiyin, shuning uchun biz ekspertlarga murojaat qilishingizni maslahat beramiz.

Manba: XDA

O'QING: Telefon ekranini qanday tozalash kerak?