Telegram Braziliyada bloklandi
Braziliya Oliy Sudi sudyasi Aleksandr de Morayes juma kuni Telegram messenjerini dezinformatsiya tarqatuvchi akkauntlarni bloklash va mamlakat qonunlariga rioya qilish bo‘yicha sud buyrug‘iga bir necha bor rioya qilishdan bosh tortganini aytib, uni bloklab qo‘yishni buyurdi.
Telegram asoschisi va rahbari Pavel Durov ushbu qarorga o‘z munosabatini bildirdi va Brazilya Oliy sudidan uzr so‘rab, messenjerni bloklashni kechiktirishni so‘radi:
Bizning telegram.org korporativ manzillarimiz va Braziliya Oliy sudi o‘rtasidagi elektron pochta xabarlari o‘tishida muammo borga o‘xshaydi. Ushbu noto‘g‘ri aloqa natijasida sud Telegramni javob bermagani uchun taqiqlash haqida qaror chiqardi.
Jamoamiz nomidan e’tiborsizlik uchun Braziliya Oliy sudidan uzr so‘rayman. Biz, albatta, yaxshiroq ish qila olardik.
Biz fevral oyining oxirida sudning oldingi qarorini bajardik va kelgusidagi so‘rovlarni maxsus elektron pochta manziliga yuborish taklifi bilan javob berdik. Afsuski, bizning javobimiz yo‘qolgan bo‘lishi mumkin, chunki sud biz bilan bog‘lanish uchun keyingi xabar yuborishlarida eski umumiy maqsadli elektron pochta manzilidan foydalangan. Natijada, biz uning mart oyi boshida keyingi olib tashlash so‘rovini o‘z ichiga olgan qarorini o‘tkazib yubordik. Yaxshiyamki, biz uni topdik, qayta ishladik va bugun sudga yana bir hisobot topshirdik.
O‘n millionlab braziliyaliklar oilasi, do‘stlari va hamkasblari bilan muloqot qilish uchun Telegram’ga tayanganligi sababli, men kelajakdagi muammolarga tezkorlik bilan munosabat bildirish uchun Braziliyada vakil tayinlash orqali vaziyatni to‘g‘irlashimizga imkon berishni va suddan o‘z qarorini bir necha kunga kechiktirishni ko‘rib chiqishni so‘rayman.
Oxirgi 3 hafta dunyo va Telegram uchun misli ko‘rilmagan bo‘ldi. Bizning kontent moderator jamoamiz ko‘plab tomonlarning so‘rovlari bilan to‘lib ketdi. Ammo ishonchim komilki, ishonchli aloqa kanali o‘rnatilgach, biz Braziliyada noqonuniy bo‘lgan ommaviy kanallarni olib tashlash so‘rovlarini samarali ko‘rib chiqishimiz mumkin.
Hozircha Braziliya Oliy Sudi Durov bayonotiga javob qaytargani yo‘q.
