Telegram X’ning Android kliyenti ham yangilandi, yangi imkoniyatlar bilan tanishamiz!
Telegram jamoasi messenjerning muqobil kliyenti – TDLib (Telegram Database Library) asosida yaratilgan tezkor Telegram X ilovasini dastlab iOS-qurilmalar uchun taqdim etgan edi. Android-gadjetmalar uchun uning rasmiy analogi – Challegram taqdim etildi, so‘ngroq esa u ham yangilanib, nomi ham Telegram X’ga aylantirildi.
O‘QING: Xushxabar: Android uchun ham Telegram X taqdim etildi!
Endi esa ushbu ikkala messenjer ham rivojlantirilib, yangilab borilmoqda. Jumladan, Android uchun Telegram X kliyentining 0.20.4.786 versiyasi taqdim etildi.
Ushbu yangilanish bilan «yashil robotchali» qurilmalar egalariga quyidagi imkoniyatlar taqdim etilgan:
- InstantView Editor havolalari endi InstantView tarzida aks ettiriladi.
- Musiqiy ijrochini audiotanaffusdan so‘ng bildirishnomalar panelidanoq yopish mumkin bo‘ldi.
- Maxfiy chatlar uchun chatni oldindan ko‘rish yopilgan.
- Saqlangan xabarlar uchun belgi (otmetka) olib tashlangan.
- Proksi-server sozlamalari hamda jurnal parametrlari boshlang‘ich sahifaga joylashtirilgan.
- Theme / Bubble rejimlarining biridan ikkinchisiga o‘tishdagi muammo hal etilgan.
- Boshqa yaxshilash va tuzatishlar amalga oshirilgan.
O‘QING: Telegram X’ning oddiy Telegram’dan farqi nimalarda?
Android tizimli smartfonlar egalari tezkor Telegram X messenjerini o‘rnatib olish (o‘rnatib olganlar esa yangilash) uchun mana bu havola orqali Google Play do‘koniga o‘tishlari mumkin.