TeraTavsif: Xiaomi Redmi Note 9 Pro (1-qism)

Redmi Note lineykasi Xiaomi smartfon biznesining asosiy tayanchlaridan bo‘lib kelgan va ushbu oila vakillari o‘zining narxiga loyiqligi bilan ajralib turgan. Note'larning hozir to‘qqizinchi avlodi mavjud va bu qurilmalar har galgidek kishini o‘ziga torta oladi.

O‘zidan oldingi Redmi Note'lar kabi Redmi Note 9 Pro ham kuchli o‘rta toifa smartfonlaridandir. Smartfonga katta ekran, Qualcomm'ning o‘yinbo‘p chipi, nafis dizaynli kamera moduli, katta sig‘imli akkumulyator va eng so‘nggi Android va MIUI o‘rnatilgan.

O‘rta toifa smartfonida bo‘lishi kerak bo‘lgan barcha jihat Note 9 Pro'da jamlangan. Displey, hatto, HDR10'ni ham qo‘llab-quvvatlaydi. Bir so‘z bilan aytganda, devaysning texnik jihatlari kishini quvontiradi.

Keling, quyida Redmi Note 9 Pro'ning texnik jihatlari bilan batafsil tanishib chiqamiz:

> Korpus: Plastik rom, old va orqa panelda Gorilla Glass 5 shishasi, suv o‘tkazmas, 165.8x76.7x8.8 mm, 209 g.
> Displey: 6.67" IPS LCD, 1080 x 2400 piksel rezolyusiya, 20:9 forma faktori, 395 piksel/dyuym zichlik, HDR10.
> Orqa kameralar: •Asosiy: 64MP, f/1.9 apertura, 1/2.72" datchik hajmi, 0.8µm piksel hajmi, PDAF. •Ultrakeng: 8MP, f/2.2, 1/4", 1.12µm piksel. •Makro: 5MP, f/2.4, 1.12µm, AF. •Sath kamerasi: 2MP; 2160p@30 kadr/sek., 1080p@30/60/120 kadr/sek., 720p@960 kadr/sek. video yozuv, elektron tasvir stabilizatsiyasi.
> Old kamera: 16MP, f/2.5 apertura, 1.0µm piksel. 1080p/30 kadr/sek. video yozuv.
> OT: Android 10; MIUI 11.
> Chip: Snapdragon 720G (8nm): sakkiz yadroli (2x2.3 GHz Kryo 465 Gold & 6x1.8 GHz Kryo 465 Silver), Adreno 618 GPU.
> Xotira: 6GB RAM; 64/128GB UFS 2.1 xotira; maxsus microSD uyasi.
> Akkumulyator: 5,020mAs; 30 vatt tezkor quvvatlash.
> Aloqa: LTE-A; USB-C; Wi-Fi a/b/g/n/ac; qo‘sh palosali GPS; Bluetooth 5.0; FM radio; infraqizil nur taratkich.
> Boshqa: yon tomonda barmoq izi skaneri; 3.5 mm audio jek.

Qadoq tarkibi

Redmi Note 9 Pro qadog‘i tarkibida 30 vattlik quvvatlagich, USB-C kabel va shaffof silikon g‘ilof bor.

Smartfonlarning ba’zilarida zavodda oldindan o‘rnatilgan juda yupqa ekran himoyasi bo‘lishi mumkin.

O‘QING: Hali chiqmagan iOS 14 hamda Android 11’dagi zo‘r funksiya Xiaomi smartfonlariga allaqachon qo‘shilyapti!