TOP-10: Koronavirusdan foyda olayotgan IT-kompaniyalar

  •   DiMaX
  •  886
  •  22.06.2020 16:58

TOP-10: Koronavirusdan foyda olayotgan IT-kompaniyalar

2020 yilda koronavirus pandemiyasi ko‘plab kompaniyalar uchun dahshatli natijalarga olib keldi. Ammo ayni paytda inqirozidan eng ko‘p yutganlar ham bo‘ldi, deb yozadi Financial Times.

O‘QING: «Bill Geyts koronavirus bahonasida insoniyatni chiplashtirmoqchi» – bunga o‘zi nima deydi?

Nashr 2020 yil boshidan buyon kapitallashuv o‘sishi bo‘yicha eng yaxshi 100 ta kompaniya ro‘yxatini tashkil etdi va undagi eng yaxshi o‘ntasining bahosi 1,45 trln. dollarga o‘sgan. Asosiy o‘sish to‘rtta sektorda kuzatildi: IT, iste’mol tovarlari (asosan onlayn savdo), sog‘liqni saqlash va telekomunikatsiyalar.

Inqiroz davrida kapitallashuvning o‘sishi bo‘yicha eng yaxshi 10 ta kompaniya esa quyidagilar:

  1. Amazon, + $401,1 mlrd.

Jeff Bezos kompaniyasi antivirus tadbirlariga $4 milliard sarfladi, sarmoyadorlar buyurtmalarning keskin o‘sishini va kompaniyaning bulutli biznesi muvaffaqiyatini ko‘rishdi.

  1. Microsoft, + $269,9 mlrd.

Koronavirus Satya Nadella boshqaruvidagi kompaniyaning bulutli konvertatsiyasining muvaffaqiyatini isbotladi va shu bilan birga XBox o‘yin xizmatini faollashtirdi.

  1. Apple, + $219,1 mlrd.

Jismoniy shakldagi do‘konlar yopilganiga qaramay, kompaniya birinchi chorakda 58 milliard dollar ishlab topdi.

  1. Tesla, + $108,4 mlrd.

1 may kuni Ilon Maskning o‘zi kompaniyaning aksiyalari juda qimmat ekanligini ma’lum qildi, iyun boshida kotirovkalar $ 1000 dan oshdi.

  1. Tencent, + $93 mlrd.

Birinchi chorakda ushbu Xitoy kompaniyasining onlayn o‘yinlardan olgan daromadi 30 foizga o‘sdi. Videokonferensiya va WeChat messenjeri alohida holatda ajralmas bo‘lib chiqdi.

  1. Facebook, + $85,7 mlrd.

Uyda zerikkan foydalanuvchilar ijtimoiy tarmoqlarda ko‘proq vaqt sarflashni boshladilar va ko‘pincha homiylik havolalarini bosishni boshladilar. Platformadagi reklamalarni ko‘rish soni 39 foizga oshdi.

  1. Nvidia, $83,3 mlrd.

O‘z-o‘zini yakkalash sharoitlarida, foydalanuvchilar kompaniya platformasida o‘yinlarni o‘ynash uchun 1,5 baravar ko‘proq vaqt sarflay boshladilar.

  1. Alphabet, + $68,1 mlrd.

Turli sohalarning kontekstli reklamasi savdosi pasaydi, ammo YouTube reklama daromadlari 10 foizga o‘sdi.

  1. PayPal, + $65,4 mlrd.

Onlayn to‘lovlarga ulanmaganlar, koronavirus tufaylu buni amalga oshirishga majbur bo‘lishdi. Aprel oyida platformaga 7,4 million yangi foydalanuvchilar keldi.

  1. T-Mobile, + $59,7 mlrd.

AQShning ulkan bozorida uchinchi o‘yinchi Sprint bilan muvaffaqiyatli birlashdi va 452 ming yangi obunachilarni qabul qilib oldi.

O‘QING: Milliarderlarni qo‘yaturing, ilk trillioner kim bo‘lishini ham allaqachon aytishdi!

Xabarlarni tez va oson o'qish uchun Android ilovamizni saqlab oling.