Ufalik ixtirochi telefonni gulxandan quvvatlovchi uskuna yaratdi
Ufada yashovchi Aydar Xayrullin telefon batareyasini quvvatlash uchun elektr energiyasi talab qilmaydigan pech-zaryadka yasadi, deya xabar beradi Futurist nashri.
Qurilma kichkina mangalga o‘xshab ketadi, uni yasash uncha qiyin ham emas. Uskunaning asosiy detali – pechning issiqligini elektr energiyasiga aylantirib beruvchi generatordir. Generatorni shu pechning devoriga ilib qo‘yilsa va unga telefon ulansa bas.
Mana, quyidagi videolavhada bunga o‘zingiz guvoh bo‘ling:
Darvoqe, telefonni pechdan quvvatlab to‘ldirish ham xuddi elektr manbaidan to‘ldirganchalik vaqt oladi.
Aydar Xayrullin bu ixtirosi uchun ikkita grant olgan. Hozirda u o‘z quvvatlash qurilmasini ommaviy ishlab chiqarishni yo‘lga qo‘ygan. O‘zining aytishicha, buyurtmachilar orasida Buyuk Britaniya va AQShlik sayyohlar ham bor ekan. Dastlabki yuz nafar buyurtmachi allaqachon antiqa quvvatlagichni olgan, deyiladi xabarda.