Uysiz dasturchi internetni larzaga solib, o‘ziga ish topdi

Devid Kasares startapni ishga tushirmoqchi edi, bor-buduni tikdi va xonavayron bo‘ldi. Endi u uysiz qoldi. Biroq qaysarligi va topqirligi o‘z natijasini berdi. U veb-dpsturchi bo‘lib ishga kirdi.

Omadi yurishmagan veb-dasturchining fotografiyasi qo‘lida karton qog‘ozli tablechkasi bilan  o‘tgan juma kuni tvitter’da paydo bo‘ldi. Yigit o‘zining  uysizligi haqida ma’lum qilgan, lekin non yoki pul, yoki bir kechaga joy so‘ramagan. «Ryezyumeni oling», — deyilgandi qo‘lbola plakatda.

 «Kun qahramoni» — Devid Kasares, Texasdagi A&M universitetini tomomlagan, qolaversa uning dasturiy ta’minot bo‘yicha uch yillik tajribasi ham bor.  2017 yil sentyabrda u ishdan bo‘shab,  o‘zining startapini ochish uchun Kremniy vodiysiga keladi. Ammo u imkoniyatini to‘g‘ri chamalay olmagan ekan, natijada reja barbod bo‘ladi va bor-budidan ajraladi. Bir chaqasi ham qolmagan Devid ikki oy furgonda yashaydi. Ammo vaqti kelib ijara pulini ham to‘lay olmay qoladi. U hiyobondagi skameykalarda yotib yurishga majbur bo‘ladi.

Devida Kasaresning rasmi bir zumda internet tarmoqlarida tarqalib ketdi. 

Nihoyat natija u kutgandek bo‘ldi. 26-yoshli sobiq xodimga General Motors,  Google, Neflix va  LinkedIn kabi o‘nlab kompaniyalardan takliflar kelib tushdi. Endi uning uchun faqat ishni tanlash qolgandi.