O‘zbekistonda eSavdo.uz dasturi patentlandi
O‘zbekiston intellektual mulk agentligi xabar berishiga ko‘ra, mazkur dasturiy ta’minot internet tarmog‘i orqali mahsulot xarid qilish va xizmatlar to‘lovini amalga oshirish uchun mo‘ljallangan. Veb-ilova elektron tijoratda ma’lumotlar bazasini boshqarish tizimidan foydalanib yaratilgan. Tizimda bank plastik kartalari vositasida himoyalangan aloqa kanallari orqali to‘lash mexanizmlari mavjud. Internet-do‘konda amalga oshirilgan to‘lov haqida mijozga SMS va e-mail orqali bildirishnoma yuboriladi.
Hammualliflar R.M.Axtamov, E.T.Usmonov va Ravshanbek Rustam o‘g‘li № DGU 03328 raqamli guvohnoma olishdi.