Uzoq muddat xizmat qiluvchi, uchta kamerali, arzon Oppo A16 smartfoni taqdim qilindi
Oppo kompaniyasi yangi Oppo A16 smartfonini rasman namoyish qildi, deya xabar bermoqda iXBT nashri.
O‘QING: Xitoy zondi Marsga qo‘ngani sharafiga Oppo yangi smartfon chiqardi (+video)
Smartfon 6,5 dyuymli IPS LCD HD+ 1600x720 displeyga ega. Displey paneli standart 60Hz yangilanish chastotasini taqdim etadi va NTSC ranglar gamutining 71% ini qamrab oladi.
Smartfon sakkiz yadroli MediaTek Helio G35 tizimi bilan jihozlangan. Qurilma 3 GB tezkor va 32 GB ichki doimiy xotiraga ega. Dasturiy ta’minotga kelsak, smartfon Android 11 asosida ColorOS 11.1 ishlaydi.
Quvvat tugmasi ostidan barmoq izi skaneri o‘rin olgan. Kameralar o‘lchamlari 13, 2 va 2 megapikselga teng. Old kamera 8 megapiksel.
Oppo A16 ikkita SIM kartani qo‘llab-quvvatlaydi, 4G VoLTE, Wi-Fi, Bluetooth 5.0, GPS, 3,5 mm audio jek va USB-C portga ega. Smartfon 10 vattda quvvatlanuvchi 5,000 mAs akkumulyator bilan jihozlangan. Oppo A16'ning o‘lchamlari — 163,8 x 75,6 x 8,4 mm, og‘irligi taxminan 190 gramm.
Yangi qurilmaning narxi 138 dollarni tashkil etadi, smartfon Pearl Blue, Space Silver va Crystal Black ranglarida mavjud.
O‘QING: Dunyodagi eng zo‘r flagmanlar reytingida ilk bor Realme g‘olib! (Antutu, 2021 yil may)
