Windows 10 Mobile smartfonlar uchun yangilanishga tayyor
Avval ishlab chiqarilgan, Windows 8.1 operatsion sistemasi asosida ishlovchi Microsoft Lumia smartfonlari egalari yangilangan Windows 10 Mobile OSdan foydalanishlari mumkin. Bu haqda Windows rasmiy blogida ma’lum qilindi.
Mazkur ro‘yxatga quyidagi smartfonlar kiritildi:
Lumia 1520
Lumia 930
Lumia 640 / XL
Lumia 730
Lumia 735
Lumia 830
Lumia 532
Lumia 535
Lumia 540
Lumia 635 1GB
Lumia 636 1GB
Lumia 638 1GB
Lumia 430
Lumia 435
Shuningdek, BLU Win HD w510u, BLU Win HD LTE x150q, MCJ Madosma Q501.
Yangilanishlar nima beradi?
Imkoniyatlar safidan Continuum, Windows Hello va Cortana ovozli yordamchilar o‘rin olgan. Bir qator kamchiliklar ham bartaraf etilgan. Biroq OS faqatgina ingliz tilida taqdim etilgan, uning boshqa tillardagi talqini qachon chiqishi noma’lum.
Qanday yangilash mumkin?
Buning uchun avvalo smartfonning yangilanish uchun to‘g‘ri kelishini belgilab olish lozim. So‘ngra Update Advisor ilovasini yuklash talab qilinadi. Shundan keyin Windows 10ga yuklab olishga ruxsat berish tugmachasi bosiladi.
Doimiy xotirada joy hozirlash uchun avvaldan ma’lumotlarni SD-disk yoki OneDrive`ga ko‘chirib qo‘yish tavsiya qilinadi. Kompaniya qulaylik yaratish maqsadida qo‘llanma-rolikni ham e’lon qildi.