Xiaomi rahbari hamyonbop Redmi 7 narxi va jihatlarini ma’lum qildi
Redmi brendining ilk vakili «yong‘oqchaqar» Redmi Note 7 modeli bo‘lgandi. Keyinroq esa kompaniya Hindistonda uning global versiyasini hamda yangi Redmi Note 7 Pro modelini namoyish qildi. So‘ng esa Ispaniyada...
O‘QING: Redmi 7 emas, balki yevropacha Redmi Note 7 namoyish qilindi: kamerasi 48 MPlik, lekin narxi...
Endi bo‘lsa navbat Redmi 7 devaysiga keldi, Terabayt.uz esa taqdimotidan avval uning «jonli» videosini ham e’lon qilgan. Kuni kecha ushbu model haqidagi ayrim ma’lumotlarni Xiaomi kompaniyasi top-menejeri Ley Szun (Lei Jun) aytib o‘tdi.
Xiaomi rahbarining Weibo foydalanuvchilari bilan yozishmalarida ma’lum qilishicha, Redmi 7 modeli 700-800 yuanga narxlanadi, bu esa 105-120 AQSh dollariga to‘g‘ri keladi.
Shu bilan birga, Ley Szun ushbu smartfonda quloqchin uchun standart audiotirqish, infraqizil port hamda sig‘imdor akkumulyator ham bo‘lishini aytgan. Bundan tashqari, Redmi 7 savdosida defitsit yuzaga kelmasligi uchun, uni sotuvga chiqarishdan oldin ko‘p miqdorda ishlab chiqarib, yirik miqdorda omborlarga jamlab qo‘yishlarini ham ma’lum qilgan.
Eslatib o‘tamiz, xitoycha Redmi Note 7 modelini O‘zbekistonda hozircha faqat AliExpress’dan buyurtma orqali sotib olish mumkin. Jahon bozoriga chiqarilgan ayrim Xiaomi smartfonlarini esa 819 000 so‘mdan boshlanuvchi narxlarda Terashop.uz internet-do‘konimizdan xarid qilish imkoni bor. Ayniqsa, shu kunlarda – aksiya doirasida bu xaridingiz yanada yoqimli va manfaatli bo‘ladi.
O‘QING: Xiaomi smartfonlari endi qimmatlaydi – buni shaxsan kompaniya bosh direktori aytdi!