Xiaomi smartfonlari uchun Android 13 yoxud MIUI 14 qayerda?

Xiaomi o'zining smartfonlari uchun Android 13'ga asoslangan MIUI 14 yangilanishini o'tgan oyda taqdim qilgan edi. O'shanda yangi versiya darhol Xitoy bo'ylab ko'plab Xiaomi smartfonlariga tarqaldi. Endilikda esa kompaniya uni o'z global foydalanuvchilarga ulashishni boshladi va uni Xitoydan tashqarida qabul qiladigan ilk smartfon Xiaomi 12 bo'ldi.

Ma'lum bo'lishicha, barqaror versiyadagi MIUI 14 yangilanishi Xiaomi 12 smartfoni operatsion tizimining beta versiyasi foydalanuvchilari uchun tarqatish boshlagan. To'liq versiya nomi MIUI 14.0.2.0 (TLCMIXM) bo'lgan yangilanish 2023-yilning xavfsizlik yangilanishi bilan keladi va uning hajmi 4.43 GB'ni tashkil qiladi.

Xiaomi global foydalanuvchilar uchun ham MIUI 14 yangilanishini tarqatishni boshlangan ekan, agar muammolar bo'lmasa, kompaniya tez orada yangi versiya qamrovini kengaytirishi aniq.

O'QING: Redmi Note 12 seriyasi ilk bor Xitoydan tashqarida sotuvga chiqdi