Yagona portal orqali endi Toshkent shahri va Toshkent viloyatida doimiy ro‘yxatga kirish mumkin!
Inson hayotiy sabablarga ko‘ra yangi yashash joyiga ko‘chib o‘tishi va har ko‘chganida u doimiy ro‘yxatga olish uchun migratsiya va fuqarolikni rasmiylashtirish bo‘limlariga borishiga to‘g‘ri keladi. Endilikda fuqarolarni Toshkent shahri va Toshkent viloyatida doimiy ro‘yxatga olish uchun Yagona portaldagi (my.gov.uz) «Fuqarolik» turkumiga o‘tsangiz, bas, deb yozadi Xabar.uz.
O‘QING: Shavkat Mirziyoyev Qaroriga ko‘ra, O‘zbekistonda yana bitta portal ishga tushadi
Mazkur xizmat orqali ko‘chmas mulk ob’yektiga egalik huquqi bir shaxsga tegishli bo‘lgan ob’yektlarga doimiy ro‘yxatga turish mumkin. Xizmatdan quyidagi toifalardagi fuqarolar foydalanishlari mumkin:
1) Qonun hujjatlariga muvofiq olingan uy-joyga ega bo‘lgan O‘zbekiston Respublikasi fuqarolari — xususiy mulk qilib olingan uy-joyga.
2) Toshkent shahrida doimiy yashash joyi bo‘yicha ro‘yxatga olingan fuqarolar — ular Toshkent shahri va Toshkent viloyatida boshqa manzilga doimiy yashash joyi bo‘yicha ro‘yxatga olinish masalasi yuzasidan murojaat etgan taqdirda.
3) Toshkent viloyatida doimiy yashash joyi bo‘yicha ro‘yxatga olingan fuqarolar — ular Toshkent viloyatida boshqa manzilga doimiy yashash joyi bo‘yicha ro‘yxatga olinish masalasi yuzasidan murojaat etgan taqdirda.
Xizmat avtomatlashtirilgan va 1 ish kunida taqdim etiladi.
Xizmatni taqdim etish narxi – BHMning 2%, Yagona portal orqali xizmat ko‘rsatilganda esa dastlabki narxdan 10% arzondir.
Fuqarolarni Toshkent shahri va Toshkent viloyatida doimiy ro‘yxatga olish xizmatidan foydalanish uchun havola: https://my.gov.uz/uz/service/view/363
O‘QING: Prezident farmoni: Har bir aholi punkti kamida 10 Mbit/s.lik internetga ulanadi!
