Yagona portalning 2020 yil uchun videohisoboti: qisqa fakt va raqamlar
Yagona interaktiv davlat xizmatlari portali 2020 yil yakunlariga bag‘ishlangan hisobotini taqdim qildi. Portal o‘tgan yili taqdim etgan muhim xizmatlar va qulayliklar qisqa fakt va raqamlarda aks ettirilgan.
O‘QING: Yagona portal yangilangan va takomillashtirilgan versiyada taqdim etildi
Avvalo, videohisobotni tomosha qilamiz:
Endi esa Yagona portal faoliyatining 2020 yildagi muhim nuqtalariga e’tibor qaratamiz.
MyGov mobil ilovasi
Yagona portal o‘tgan yilda yo‘lga qo‘yilgan eng muhim qulayliklardan biri – MyGov mobil ilovasining ishga tushirilishi bo‘ldi.
Mobil ilova foydalanuvchilari soni 30 000 dan oshdi.
MyGov bu:
- uy-joy kommunal xizmati;
- soliqlar;
- tadbirkorlik;
- ijtimoiy ta’minot;
- bojxona;
- transport;
- adliya
- kabi sohalar xizmatlardan masofadan turib foydalanish imkoniyati.
Ilovada profil ma’lumotlarini ko‘rish va o‘zgartirish, ariza holatini bilish va ko‘chmas mulkni qo‘shish imkoniyatlari ham mavjud.
MyGov ilovasini yuklab oling:
AppStore: http://bit.ly/MyGovUZ
Google Play: http://bit.ly/MyGovUZB
Telegram messenjeridagi chat-bot
2020 yili portalning qayta aloqa xizmati Telegram messenjerida chat-bot (@myGovUzSupportBot) ko‘rinishida ishga tushirildi.
Yil davomida ushbu xizmatga murojatlar soni 31 000 tadan oshdi.
PaySys to‘lov tizimi
Bank kartasini shaxsiy kabinetga ulash imkonini beruvchi PaySys to‘lov tizimi joriy etildi.
Yagona interfeys
Portaldan foydalanish Yagona interfeys ostida yanada osonlashdi: qulay navigatsiya, tahlil uchun ko‘proq statistik ma’lumotlar.
Call-Markaz
Yagona portal orqali davlat xizmatlaridan foydalanishda yuzaga kelgan savollarga javob berish maqsadida Call-Markaz (1242; +99871 202-22-02) ishga tushirildi.
Elektron davlat xizmatlari va «O‘zbekiston pochtasi»
«O‘zbekiston pochtasi»ning viloyatlardagi olis tumanlarda joylashgan pochta bo‘limlarida elektron davlat xizmatlaridan foydalanish imkoniyati yaratildi.
10 millionga yaqin ariza
2020 yilda 9,8 millionta ariza Yagona portal orqali yuborildi. Bu arizalarning 90 foizi davlat tashkilotlari tomonidan o‘z muddatida qayta ishlangan.
50 dan ortiq yangi xizmatlar
Yagona portal tomonidan 2020 yil davomida 50 dan ortiq yangi xizmatlar ishga tushirildi.
185 mingdan ziyod yangi foydalanuvchi
2020 yilda davlat xizmatlari yangi bosqichga ko‘tarildi – yangi foydalanuvchilar soni 185 ming nafardan oshdi.
O‘QING: ID-karta uchun Yagona portal orqali ariza topshirish mumkin
