Yana nima bo‘ldi: YouTube butun dunyoda ishlamay qoldi
YouTube jamoasi «tvitterda» servisga kirish muammosi hal bo‘ldi deb yozgandi. Downdetector saytida foydalanuvchilar buni tasdiqladi ham, ammo baribir, tez-tez shikoyat tushib turibdi.
Butun dunyodagi foydalanuvchilar YouTube’da video ko‘rish muammosidan shikoyat qilmoqda. Saytni ochishda bosh sahifa bo‘sh bo‘lishi mumkin yoki umuman xato bilan ochiladi, video ham ochilmaydi. Mobil ilovada ham shu muammo.
O‘QING:Xakerlar YouTube’dan tarixdagi eng ommabop videoni o‘chirib yuborishdi
YouTube'ning bosh sahifasi hozir shunday ko‘rinishda
Downdetector servisi ko‘rsatishicha, videoxosting bo‘yicha shikoyatlar keskin ravishda ko‘payib ketgan — so‘nggi soatlarda qariyb 10 ming foydalanuvchi muammo haqida ma’lum qildi. Shikoyatlar xaritasiga qarasangiz, ular Amerikadan ham bor, Yevropadan ham.
O‘QING:Youtube’ning O‘zbekistondagi faoliyati tiklandi
Downdetector orqali YouTube’ga shikoyatlar
YouTube jamoasi servis bilan bog‘liq muammo haqida bilishini rasman tasdiqladi va uni hal etish ustida ishlayotganini ma’lum qildi. Ammo kompaniya muammoni hal etishga qancha vaqt ketishini ayto olmayapti.
