Yilning "Virtual Fotografi" g‘olibi aniqlandi
Har yilning aprel oyida Buyuk Britaniya poytaxti London shahrida o‘tkaziladigan geyming festivali bu yil 1-10-aprel kunlari bo‘lib o‘tdi. Tadbir davomida Nvidia bilan hamkorlikda virtual o‘yin ichidagi fotografiya tanlovi ham o‘tkazildi va unda Joye Menziyes tomonidan Red Dead Redemption 2 o‘yinida olingan skrinshot g‘olib deb topildi.
Suratda Red Dead Redemption 2 o‘yini qahramoni Artur Morganning quyosh botayotgan sahro manzarasida ot ustida o‘tirganini ko‘rish mumkin. G‘olib uchun Nvidia'ning GeForce RTX 3080 Ti videokartasi o‘rnatilgan, 5250 dollar narxdagi Studio noutbuki berilgan. Shuningdek, quyida boshqa virtual fotograflar tomonidan turli xil o‘yinlarda olingan skrinshotlarni ko‘rishingiz mumkin.
Shu va boshqa bir nechta suratlarning original nusxalarini bu yerdan topishingiz mumkin.