Хитой юпқалиги 4 мм, 7000 мАс қувватли “iPhone 6s”ни тайёрламоқда

Oukitel компанияси яқин кунларда корпус қалинлиги 4 мм бўлган супер-юпқа, аккумулятор сиғими 7000 мА соат бўлган K7000 смартфонини намойиш қилиши тўғрисида маълум қилган. Йирик қувватли смартфон тўла аккумулятор ёрдамида бир неча кун фаолият кўрсата олади. Бу ҳақда International Business Times нашри хабар тарқатмоқда.

Ишлаб чиқарувчи Oukitel K7000 “ақлли телефони”ни июль ойида тақдим этишини маълум қилган бўлса ҳам, ҳозирча бирор янгилик йўқ.

5 дюймли смартфон 4 мм қалинликдаги металл ром ва пластик хомашёси уйғунлигидаги корпус, пиксель сиғими 1280х720 бўлган экран билан таъминланади. Ниҳоятда юпқа ром туфайли компаниянинг 3,5 мм.ли аудио коннектордан воз кечгани ҳақида маълумот бор.

Oukitel компанияси K7000 мобиль телефонининг дизайни iPhone 6s’нинг тузилишига ўхшаб кетишини яшираётгани йўқ. Смартфон Android 6.0 Marshmallow операцион тизими бошқарувида ишлайди.
$70-100 доллар нархдаги ҳамёнбоп смартфон ишлаб чиқаришга ҳаракат қиладиган Oukitel навбатдаги маҳсулотини $110 долларига баҳолаши тахмин қилинмоқда.

Мобиль қурилмалар ишлаб чиқаришга ихтисослашган Oukitel компанияси 2007 йилда Хитойнинг Пекин провинциясида фаолиятини бошлаган.